كۇردتەر سيريا اتاۋىنداعى «اراب» ءسوزىن الىپ تاستاۋ تۋرالى ۇسىنىستى ماقۇلدادى

استانا. قازاقپارات - سيريالىق كۇردتەر رەسەي ۇسىنعان سيريا كونستيتۋتسياسى جوباسىنداعى «اراب» ءسوزىن ەلدىڭ تولىق اتاۋىنان الىپ تاستاۋدى قولدادى.

بۇل تۋرالى دەموكراتيالىق وداق پارتياسىنىڭ وكىلى حالەد يسسا ءمالىم ەتتى، دەپ حابارلايدى ر ي ا «نوۆوستي».

«رەسەي ۇسىنعان كوپتەگەن جاقسى ۇسىنىستار بار. سونىڭ ءبىرى سيريا اتاۋىنداعى «اراب» ءسوزىن الىپ تاستاۋ، ياعني «سيريا اراب رەسپۋبليكاسى» دەگەننىڭ ورنىنا - «سيريا رەسپۋبليكاسى» دەپ قالدىرۋ. سەبەبى سيريا كوپ ەتنوستى مەملەكەت، سوندىقتان مۇنداعى حالىقتاردىڭ بارلىعىنىڭ قۇقىعى قورعالۋى ءتيىس»، - دەدى ول.