قودار مەن قامقا قايدا جەرلەنگەن؟

بۇل شارۋا شاكارىمنىڭ احاتى مەن كارىمقۇلدىڭ قابىشى ايتىپ كەتكەن بۇلتارتپاس دەرەكتەرمەن ناقتىلانىپتى. بولماسا ابايدىڭ 125 -جىلدىعىندا وسىدان 3-4 شاقىرىم جەردەگى ءادىلحان وتكەلىندەگى ءبىر جارتاسقا اسىعىس بەلگى ورناتىلا سالعان عوي. كەلگەن قوناقتاردىڭ اياعىن سۋىتىپ، دەمالدىرۋعا وسى ارا قولايلى دەپ شەشكەن عوي ءبىر پىسىقايلار.
ايتەۋىر، ەشتەن كەش جاقسى دەگەندەي، وسىنداي تاريحي جەرلەر قالاي دا ناقتىلانۋى ءتيىس. ءبىراق كەيبىرەۋلەر قوس كۇناھاردىڭ قايدا جەرلەنگەنى ءبارى ءبىر ەمەس پە دەۋى مۇمكىن. وسىنىڭ ارجاعىندا قۇنانباي قاجىنى ورىنسىز عايباتتاپ، مۇنىڭ بارلىعى باقاي ەسەپپەن ىستەلگەن قۋلىق دەۋشىلەر دە جوق ەمەس. ولار ويلاعانداي، قۇنەكەڭ ءبىر قىستاۋ ءۇشىن سونداي باقاي ەسەپكە بارسا، كىم بولعانى! ال ەلدەن شىققان ەرسىلىككە توسقاۋىل قويۋ ارعى انەت بابا، كوكەناي باتىر، بەرگى كەڭگىرباي بيدەن قالعان قاتال زاڭ ەمەس پە ەدى. ءبىزدىڭ شە ۇرپاق ازباسىن، ەل توزباسىن دەگەن قۇنەكەڭدەردىڭ بيلىگىنە سىن كوزبەن قاراۋدىڭ ءوزى كۇنا! ال، تۇنەرگەن قورقىنىشتى قاراجارتاس كىمدى بولسىن تاۋبەسىنە تۇسىرگەندەي...
داۋلەت سەيسەن ۇلى،
اباي ءوڭىرىنىڭ قۇرمەتتى ازاماتى،
ق ر جۋرناليستەر وداعىنىڭ مۇشەسى.