سالتانات قاليەۆا: تانىمال جۇلدىزداردىڭ ءوزى دە جىلايدى

بۇل تۋرالى Stan.kz حابارلايدى.
بىرنەشە اي بۇرىن باستالعان «ۇيات ەمەس» باعدارلاماسى كورەرمەندەرىنىڭ جۇرەگىن جاۋلاپ ۇلگەردى. بۇعان سالتانات قاليەۆانىڭ پاراقشاسىنداعى سۇراقتار دالەل. كوپشىلىك اتالعان باعدارلامانىڭ جالعاسى تۋرالى سۇراپ جاتىر. «ۇيات ەمەس» تۋرالى قانشاما سۇراق! شىنايى بىلدىرگەن كوڭىلدەرىڭىز بەن پىكىرلەرىڭىز ءۇشىن العىسىم شەكسىز. ەڭ ءجيى قويىلاتىن سۇراقتارعا جاۋاپ بەرىپ وتەيىن. 1. جالعاسى بولا ما؟ كەز- كەلگەن باعدارلاما (جاڭالىقتان باسقا) ماۋسىممەن (1,2,3-اي، جارتى جىل، ت. س. س. ) كورسەتىلەدى. بۇل نەگىزىنەن باعدارلاما رەيتىنگىسىنە بايلانىستى. «ۇيات ەمەستىڭ» 2-ماۋسىمى بولا ما، جوق پا، مەن بىلمەيمىن. بۇل سۇراقتى تەلەارناعا/جوبا پروديۋسەرىنە قويعان ءجون. مەن تەك جۇرگىزەمىن.
2.نۋمەرولوگ. مەندە ونىڭ بايلانىس تەلەفونى جوق. ءوزىم وعان بارعان ەمەسپىن (جوبا كەزىندە كورگەن جوقپىن) . سوندىقتان، كەشىرەرسىزدەر، سىزدەر تۋرالى ايتىپ بەرۋىن وتىنە المايمىن.
3. جوبانىڭ العا قويعان ماقساتىن، ءبىزدىڭ سۇحباتتىڭ ايتار ويىن دۇرىس تۇسىنە بىلگەن ايەل قاۋىمىنا ءوز ءىلتيپاتىمدى بىلدىرگىم كەلەدى. ءومىر بولعان سوڭ، كەز- كەلگەن ادامنىڭ ومىرىندە قيىندىق بولادى.
ەڭسەمىزدى تۇسىرمەيىك، قىزدار. ەلگە تانىمال جۇلدىزدارىمىزدىڭ ءوزى كوز جاسىنا ەرىك بەرەدى. بۇل ۇيات ەمەس. سەبەبى، ءبىز نازىكپىز، ءبىز ايەلمىز. مەن سىزدەردى از جىلاپ، كوپ كۇلسە دەيمىن! وزىنە دەگەن شەكسىز ماحابباتتى سەزىنسە دەيمىن! وزدەرىن دە، وزگەنى دە سۇيە بىلسە دەيمىن! ال شۋاق بوپ شاشىلعان ماحاببات ەشقاشان ولمەك ەمەس!» - دەيدى سالتانات قاليەۆا.
باعدارلامانىڭ جالعاسىنىڭ بولماۋى مۇمكىن ەكەنىن بىلگەن جەلى قولدانۋشىلارى نارازىلىقتارىن ءبىلدىردى. كوڭىلدەرىنىڭ ءتۇسىپ كەتكەنىن ايتىپ ءوتتى. «بايان حانىمدى قوناققا شاقىرمايسىزدار ما؟ الدە دوسىڭىز بولعان سوڭ شاقىرماي ءجۇرسىز بە؟ »، « ءسىز جۇرگىزگەن باعدارلاما وتە كەرەمەت. ماعان قاتتى ۇنادى»، «بالكىم ەر ازاماتتاردى دا وسى باعدارلاماعا شاقىرامىز؟ »، «سۇراقتارىمىزعا جاۋاپ بەرگەنىڭىزگە راحمەت» دەپ جازدى ولار.