چيلي بۇرىن سوڭدى بولماعان تابيعات اپاتىنان زارداپ شەگۋدە

استانا. قازاقپارات - چيليدە ەل تاريحىندا بولماعان ەڭ جويقىن ورمان ورتتەرى باسىلماي تۇر، دەپ حابارلايدى بي- بي- سي اگەنتتىگى.
None
None

قازىر ءتىلسىز جاۋدان شامامەن 200 مىڭ شارشى شاقىرىم ورمان زارداپ شەكتى. جەرگىلىكتى بيلىك كىشىگىرىم سانتا-ولگا قالاشىعىنىڭ تولىق جويىلعانىن حابارلادى. ونداعى ءتورت مىڭداي تۇرعىن تۇگەلگە جۋىق باسپاناسىز قالدى. چيليگە وسى باعاتتا حالىقارالىق كومەك ءالى دە كەلىپ جاتىر. بىرنەشە مەملەكەت قۇتقارۋشىلار جاساعى مەن تەحنيكالارىن جىبەرۋدە.

رەسەي يل-76 ءورت ءسوندىرۋ ۇشاعىن جىبەردى. اۋە كەمەسى ءبىر مەزەتتە 42 توننا سۋ شاشا الادى. سونىمەن قاتار ا ق ش- تا الەمدەگى ەڭ ۇلكەن ءورت سوندىرەتىن ۇشاعىن چيليگە اتتاندىردى. 25 -قاڭتاردا كەلىپ جەتكەن Boeing 747 باسقا ۇشاقتارعا قاراعاندا 22 ەسە كوپ سۋ الىپ ۇشا الادى.

  

سوڭعى جاڭالىقتار