سۋعا باتىپ بارا جاتقان بوسقىندى تۋريستەر ۆيدەوعا ءتۇسىرىپ، كەلەكە قىلدى - كەسكىن

استانا. قازاقپارات - ۆەنەتسيانىڭ ۇلكەن كانالىندا گامبيالىق بوسقىن تۋريستەردىڭ كوزىنشە سۋعا باتىپ كەتتى.

تۋريستەر كومەك كورسەتۋدىڭ ورنىنا، بولعان جايتتى سمارتفونعا ءتۇسىرىپ تۇرعان. تەرگەۋ جۇمىستارى باستالدى، دەپ جازدى Independent.

باسىلىمنىڭ حابارلاۋىنشا، 22 جاستاعى گامبيالىق پاتەح ساباللي ارنا ورتاسىندا ءومىر ءۇشىن جانتالاسقان. ال كۋاگەرلەر ونى ۆيدەوعا ءتۇسىرىپ تۇرعان جانە ناسىلشىلدىك سوزدەر ايتىپ، كەلەكە قىلعان. ۆيدەولاردىڭ بىرىندە «دۇرىس، ۇيىڭە قايت!» دەگەن سوزدەردى ەستۋگە بولادى، دەپ جازادى «ريا نوۆوستي» اگەنتتىگى.

سابالليگە ءۇش قۇتقارۋ شەڭبەرى لاقتىرىلعان، ءبىراق ول ونىڭ بىرىنە دە جەتە المادى. باقىلاپ تۇرعانداردىڭ ەشبىرى سۋعا سەكىرىپ، ادامدى قۇتقارۋعا ارەكەتتەنبەدى. سالدارىنان ساباللي اجال قۇشتى. «مەن ەشكىمدى كىنالاعىم كەلمەيدى، ءبىراق ونى قۇتقارىپ قالۋعا بولار ەدى»، - دەدى يتاليالىق قۇتقارۋشىلار قاۋىمداستىعىنىڭ جەرگىلىكتى باسشىسى دينو باسسو.