عالامتوردا «بولايىق بىرگە» ءانىنىڭ بەينەبايانىنا قاتىستى داۋ شىقتى
اقىرى ونىڭ وزىنە ساي ادەمى كليپى جاقىندا Youtube جەلىسىنە سالىندى.
ءبىراق بۇل بەينەباياندا قۋاندىق راحىم ءاندى اۋەل باستاعى گاۋحار سارداربەكپەن ەمەس، البينا شارداروۆامەن قوسىلىپ ايتتى، دەپ حابارلايدى Caravan.kz ءتىلشىسى. ەندى ءدال وسىعان قاتىستى داۋ شىعىپ جاتىر. عالامتورعا جاريالانعان بەينەباياننىڭ استىنا كوپتەگەن پىكىر جازىلعان. سولاردىڭ كەيبىرى «ورتا جولدان باسقا بىرەۋدى قوسقانشا، داۋىسى كەرەمەت گاۋحار سارداربەكتىڭ ءوزىن شىعارماي ما؟ » دەگەنگە سايسا، ەندى ءبىرى البينانىڭ دا داۋىسىنىڭ جاقسى ەكەنىن ايتقان.
Youtube جەلىسىندەگى پىكىرلەردىڭ ءبىرازىن وقىرمانداردىڭ نازارىنا ۇسىنامىز (جازبالار رەداكتسيالانعان) .
Abylai Zhashkeev: مىناۋىڭ ۇلكەن قاتەلىك بولدى، قۋاندىق. گاۋحاردىڭ داۋىسى كەرەمەت ەدى.
قانات احمەتوۆ: 2-3 كۇن قالعاندا، گاۋحاردىڭ اتا- اناسى كليپكە تۇسۋگە رۇحسات بەرمەپتى.
ءىلياس ۇسەن: ءبىراق مىنا قىزدىڭ داۋىسىنا قاراعاندا، گاۋحار سارداربەكتىڭ داۋىسى جاقسى ەدى.
Konil_kino: كليپ جاقسى ەكەن. ءبىراق گاۋحار جاقسى ورىندايدى.
اياجان مەليسوۆا: گاۋحار ءوز سەبەپتەرىمەن بەينەبايانعا تۇسە المادى دەپ ايتىلعان جوق پا. قىزدى (البينانى - رەد. ) سونشا تۇرسا سوپاق، وتىرسا وپاق قىلىپ نە بولدى؟ گاۋھاردا بار تالانت البينادا دا بار. ەكەۋىن سالىستىرۋعا مۇلدە كەلمەيدى. ەكەۋىنىڭ دە وزىندىك ەرەكشەلىگى بار. البينا ءاندى كەرەمەت ايتادى. ماعان سەنبەسەڭىزدەر، ينستاگرامداعى پاراقشاسىنان كاۆەرلەردى كورسەڭىزدەر بولادى. ەسكى، ساعىندىرعان اندەردى كەرەمەت ورىندايدى. البينانى ءتىپتى ساكەن مايعازيەۆ اعامىز ماقتاعان دەسەدى. ونەرگە ەندى اياق باسىپ كەلە جاتقان قىز عوي. كىشكەنە قولداۋدىن ورنىنا اۋىر سوزدەر ايتىپ جاتىرسىزدار.
اتالعان ءاننىڭ گاۋحار سارداربەكپەن بىرگە ورىندالعان نۇسقاسى.
"بولايىق بىرگە" ءانىنىڭ اۋەنى وزبەك سازگەرى ميرحاليل ماحمۋدوۆتىڭ "ازيزيم" انىنەن كوشىرىلگەن. ءبىراق قۋاندىق راحىم ونى اۆتوردىڭ رۇقساتىمەن العانىن ايتقان بولاتىن.
