باراك وباما پالەستيناعا اۋدارىپ جىبەرگەن اقشانى دونالد ترامپ توقتاتىپ تاستادى
بۇل تۋرالى پالەستيناداعى جوعارى لاۋازىمدى دەرەككوزگە سىلتەمە جاساپ The Times of Israel حابارلادى.
باسىلىم سۇحباتتاسىنىڭ ايتۋىنشا، ا ق ش وكىلدەرى سەيسەنبى كۇنى پالەستينانىڭ پرەمەر-ءمينيسترى رامي حامداللۋعا قاراجات الداعى تاياۋ ۋاقىتتا اۋدارىلمايتىندىعىن ءمالىم ەتكەن، دەپ جازادى «ريا نوۆوستي» اگەنتتىگى.
مەملەكەتتىك دەپارتامەنت بۇرىنعى اكىمشىلىكپەن قابىلدانعان شەشىمدى قايتا قاراپ، ترامپ اكىمشىلىگىنىڭ باسىمدىقتارىنا سايكەس تۇزەتۋ ەنگىزۋى مۇمكىن. بۇعان دەيىن حابارلانعانداي، باراك وبامانىڭ اكىمشىلىگى ءوز جۇمىستارىنىڭ سوڭعى ساعاتتارىندا پالەستيناعا 221 ميلليون دوللاردى اۋدارىپ جىبەردى. ترانشتىڭ جۇزەگە اسىرىلاتىندىعىن كونگرەسكە 20 -قاڭتاردا، دونالد ترامپتىڭ يناۋگۋراتسياسى كۇنى حاباردار ەتىلگەن. رەسپۋبليكالىق پارتيا وكىلدەرى بۇل اقشانىڭ اۋدارىلۋىنا بىرنەشە مارتە قارسىلىقتارىن بىلدىرگەن بولاتىن.
