دارينا قۇلسەيتوۆا «الەم ارۋىنىڭ» جارتىلاي فينالىندا ونەر كورسەتتى - فوتو، كەسكىن
«الەم ارۋى» اتاعىنا 86 ۇمىتكەر جارتىلاي فينالدىڭ ءۇش كەزەڭىنە قاتىستى - ولار ءوز- وزدەرىن تانىستىرىپ، ساحناعا كەشكى كويلەك پەن شومىلۋ كيىمىندە شىقتى. بايقاۋدىڭ اقتىق سىنى 29 -قاڭتار كۇنى وتەدى، وعان 12 ارۋ عانا جولداما الادى.
ەسكە سالايىق، بيىل ۇيىمداستىرۋشىلار جاڭا ەرەجە ەنگىزدى، ول بويىنشا قازىلار القاسى توپ-11 دى وزدەرى اتايدى، ال سوڭعى ارۋ كورەرمەندەردىڭ داۋىسىمەن انىقتالادى. بۇعان دەيىن دارينا قۇلسەيتوۆا قازاقستاندىقتاردان ءوز داۋىستارىن بەرۋدى وتىنگەن بولاتىن. ديزاينەر نايل بايكۇشىكوۆتىڭ كەشكى كويلەگى «الەم ارۋى» حالىقارالىق بايقاۋى وسىمەن 65-رەت ءوتىپ وتىر. 12 -قاڭتار كۇنى مانيلدە باستالعان باسەكەگە قازاقستان اتىنان ر. بايسەيتوۆ اتىنداعى سەمەي قارجى- ەكونوميكالىق كوللەدجىنىڭ ءۇشىنشى كۋرس ستۋدەنتى، 19 جاستاعى دارينا قۇلسەيتوۆا («سەمەي ارۋى») قاتىسۋدا.
دارينا «الەم ارۋىنىڭ» اقتىق كەزەڭىنە ءوتىپ جاتسا ساحنا تورىنە قازاقستاندىق بەلگىلى ديزاينەر ايدا كاۋمەنوۆانىڭ ۇلتتىق كويلەگىمەن شىعاتىن بولادى.
