ەلباسى ۇندەۋى - جاڭارۋدىڭ جاڭا قادامى
و ق و قازاقستان حالقى اسسامبلەياسى ءتوراعاسىنىڭ ورىنباسارى م. قالمۇراتوۆ جۇرگىزىپ وتىرعان جيىندا وبلىسىمىزداعى ەتنومادەني بىرلەستىكتەرىنىڭ ءتوراعالارى مەن بەلسەندى مۇشەلەرى ەلباسى قابىلداعان شەشىمنىڭ ماڭىزىن تالقىعا سالدى.
باسقوسۋدا ءسوز العان وبلىستىق تاتار- باشقۇرت ەتنومادەني بىرلەستىگىنىڭ ءتورايىمى اسيا مۋحامەدوۆا، وبلىستىق يران ەتنومادەني بىرلەستىگىنىڭ ءتوراعاسى نۇرىسبەك كاپار-پۋر، وبلىستىق «ىنتىماق» ەتنوسارالىق بىرلەستىگىنىڭ ءتورايىمى گاۋحار تولەپوۆا، «قازاقستاننىڭ ورىس، سلاۆيان جانە قازاق ۇيىمدارى قاۋىمداستىعى» و ق و فيليالىنىڭ ءتوراعاسى يۋ. كيريۋحين حالىقتىڭ تالقىلاۋىنا سالىنعان كونستيتۋتسيالىق رەفورمانى پرەزيدەنتتىڭ بارشاعا بەلگىلى ساياسي قولتاڭباسىنىڭ جارقىن كورىنىسى دەپ باعالادى.
«ءبىز تاريحي ساتكە كۋا بولىپ وتىرمىز. ەلباسىنىڭ كونستيتۋتسيالىق رەفورمالارى تۋرالى ۇندەۋى ەلدى جاڭعىرتاۋعا باعىتتالعان ماڭىزدى قادام. بيلىك تارماقتارىنىڭ وكىلەتتىكتەرىنىڭ اۋىسۋى مەملەكەتتىك باسقارۋ جۇيەسىنىڭ جاقسارۋىنا وڭ اسەر ەتەدى. وبلىسىمىزداعى ەتنومادەني بىرلەستىكتەر پرەزيدەنتىمىزدىڭ ۇندەۋىن بەلسەندى تۇردە حالىق اراسىندا كەڭ اۋقىمدا ناسيحاتتاۋعا اتسالىسادى»، - دەدى ءوز سوزىندە وبلىستىق يران ەتنومادەني بىرلەستىگىنىڭ ءتوراعاسى نۇرىسبەك كاپار-پۋر.
