قاراعاندىلىقتار قازاقتىڭ سارى مايىن جەۋگە كەڭەس بەرىپ وتىر

استانا. قازاقپارات - ق ر ۇلتتىق ەكونوميكا مينيسترلىگى تۇتىنۋشىلار قۇقىقتارىن قورعاۋ كوميتەتى سارى مايدىڭ قۇرامىنا وسىمدىك مايىن قوساتىن كومپانيالاردى اتادى، دەپ حابارلايدى قازاقپارات ءتىلشىسى.
None
None

 «ونداي كومپانيالار تابيعي سارى مايدى ساتۋى ءتيىس. ول ءونىمنىڭ قۇرامىندا جانۋارلار مايى بولۋى كەرەك. الايدا ىشىنە وسىمدىك مايىن قوسىلعانى انىقتالدى. سول كومپانيالاردىڭ ىشىندە قازاقستاندىق فيرمالار بار»، - دەيدى كوميتەتتىڭ باس ساراپشىسى دانا قاسقاتايەۆا.

وسى ورايدا بۇقارالىق اقپارات قۇرالدارىنىڭ وكىلدەرى ءوز ءونىمىن ارتىق قوسپاسىز شىعارىپ جاتقان وتاندىق كومپانيالاردى اتاۋدى سۇرادى. الايدا كوميتەت مۇشەلەرى ونداي كومپانيالاردىڭ بارىن، ءبىراق ولاردى اتاي المايتىندارىن جەتكىزدى. سەبەبى مەملەكەتتىك ورگان ول كاسىپورىندارعا جارناما جاساعانداي بولادى. ونداي ءتىزىمدى قوعامدىق ۇيىمدار جۇرگىزۋى ءتيىس.

وسىدان كەيىن جۋرناليستەر وسى ساۋالدى قاراعاندى قالاسىنىڭ ازاماتتىق كەڭەس ءتوراعاسى ەرمەك ابىلدينگە جولدادى. كەڭەس ءتوراعاسى كوپ ويلانباستان: «راسىن ايتسام، مەن ءوزىم سارى مايدى، كادىمگىدەي اۋىلدا قولدان جاسالعان سارى مايدى جەيمىن»، - دەپ قىسقا عانا قايىردى.

 ايتا كەتەيىك، بۇگىنگى باسپا ءسوز ءماسليحاتىندا قاراعاندى قالاسىنىڭ ازاماتتىق كەڭەس ءتوراعاسى ەرمەك ءابىلدين ساپاسىز ماي ونىمدەرىن جاريالادى. ال ق ر ۇلتتىق ەكونوميكا مينيسترلىگى تۇتىنۋشىلار قۇقىقتارىن قورعاۋ كوميتەتى ءتوراعاسىنىڭ ورىنباسارى نۇرقان ءسادۋاقاسوۆتىڭ ايتۋىنشا، وتكەن جىلى قازاقستاندا ساتىلاتىن 100 دەن استام ماي ونىمدەرىنىڭ قۇرامى تالاپقا ساي ەمەس دەپ تانىلدى. سونىڭ باسىم بولىگى - رەسەيلىك تاۋارلار.

اۆتور: ارمان اسقاروۆ

 

  

سوڭعى جاڭالىقتار