ەلىمىزدەگى ساپاسىز ماي ونىمدەرىنىڭ باسىم بولىگى رەسەيلىك تاۋارلار - نۇرقان ءسادۋاقاسوۆ

دەپ حابارلايدى قازاقپارات ءتىلشىسى.
«ءيا، وتكەن جىلى ءبىز ماي ونىمدەرىنىڭ (وسىمدىك مايى، سارى ماي، مارگارين، مايونەز جانە تاعى باسقا - اۆت.) قۇرامىن تەكسەرىپ شىقتىق. سونىڭ قورىتىندىسى بويىنشا 117 سىنامانىڭ ناتيجەسى تالاپقا ساي بولماي شىقتى. ىشىندە قازاقستاندىق ونىمدەر دە بار. دەگەنمەن، باسىم بولىگى، ياعني 64 پايىزى رەسەي فەدەراتسياسىنا تيەسىلى. 24 پايىزى بىزدىكى جانە 15 پايىزى قىرعىزستان، بەلارۋس، ۋكراينا مەن فرانسيانىڭ ۇلەسىندە»، - دەدى ءسادۋاقاسوۆ بۇگىن استانادا وتكەن باسپا ءسوز ءماسليحاتىندا.
جالپى، وتكەن جىلدىڭ قورىتىندىسى بويىنشا ازىق- تۇلىك ونىمدەرى بويىنشا 40 مىڭنان استام سىناما الىندى. سونىڭ 14,4 پايىزى تەحنيكالىق تالاپتارعا ساي ەمەس دەپ تانىلدى. ونداي تاۋاردى شىعاراتىندار كوپ جاعدايدا ءونىم قاپتاماسىنداعى اقپاراتتى دۇرىس كورسەتپەيدى. سونداي- اق تەكسەرىلگەن تاۋارلاردا ىشەك تاياقشاسى سياقتى باكتەريالار تابىلعان.
«بىلتىر وسى ىسپەتتى تاۋاردىڭ 25,5 تونناسى تاركىلەندى. جاۋاپتى ازاماتتار اكىمشىلىك جازاعا تارتىلدى. ونداي كاسىپكەرلەرگە بارلىعى 87,9 ميلليون تەڭگە كولەمىندە ايىپپۇلدار سالىنىپ، 35 نىساننىڭ جۇمىسى توقتاتىلدى»، - دەپ اتاپ كورسەتتى كوميتەت باسشىسىنىڭ ورىنباسارى.
ايتا كەتەيىك، بۇگىنگى باسپا ءسوز ءماسليحاتىندا قاراعاندى قالاسىنىڭ ازاماتتىق كەڭەس ءتوراعاسى ەرمەك ءابىلدين ەلىمىزدە ساۋدالانىپ كەلگەن ءبىرقاتار ساپاسىز ماي ونىمدەرىن جاريا ەتتى.
اۆتور: ارمان اسقاروۆ