كاسپيدەگى قاسقىرلار قاشاعان كەن ورنىنا كەلدى

اتىراۋ. قازاقپارات - اتىراۋدا ءبىر ءۇيىر قاسقىر قاشاعان كەن ورنىنداعى جاساندى ارالعا كەلگەن. وسىعان قاتىستى ۆيدەو الەۋمەتتىك جەلىدە كوپ قارالۋدا، دەپ حابارلايدى «قازاقپارات» ح ا ا ءتىلشىسى.

  ۆيدەونىڭ تۇسىرگەن مۇنايشى قاسقىرلاردىڭ جاساندى «ا» ارالىنا كەلگەندىگىن ايتۋدا. قاسقىرلاردىڭ سانى جەتەۋ. پىكىر ايتۋشىنىڭ سوزىنە قاراعاندا، جىرتقىشتاردى كەمەلەردىڭ بىرىنەن شىققان تاماقتىڭ ءيىسى تارتقان. عيماراتتاردىڭ بىرىنە جاقىن كەلگەن قاسقىرلار كەرى قايتىپ، مۇزى جاڭا قاتقان وتكەلدىڭ ۇستىمەن وتەدى.