11:24, 26 - قاڭتار 2017 | GMT +6
اتىراۋدا ءيتتى قاعىپ كەتكەن جۇرگىزۋشى جاۋاپقا تارتىلدى
اتىراۋ. قازاقپارات - اتىراۋدا مامانداندىرىلعان اكىمشىلىك سوت ءيتتى قاعىپ كەتكەن كولىك جۇرگىزۋشىسىنە ۇكىم شىعاردى، دەپ حابارلايدى «قازاقپارات» ح ا ا ءتىلشىسى.
«سوتتىڭ انىقتاۋىنشا، «گاز 3302-288» ماركالى كولىكتى باسقارعان جۇرگىزۋشى د. اۆانگارد شاعىناۋدانىنداعى №1 ءۇي الدىندا ءيتتى قاعىپ كەتكەن. Joker ەسىمدى ءيت زارداپ شەگۋشى گ. -نىڭ ءۇي جانۋارى بولعان. سوت وتىرىسىندا قۇقىقبۇزۋشى ءوز ايىبىن تولىق مويىندادى جانە ءيت قوجايىنىنا بارلىق ماتەريالدىق شىعىندى وتەيتىنىنە ءسوز بەردى. سوت قاۋلىسىمەن د. قوزعالىس قاۋىپسىزدىگىن قامتاماسىز ەتۋ ەرەجەلەرىن بۇزۋدا كىنالى دەپ تانىلدى. وعان 14847 تەڭگە كولەمىندە اكىمشىلىك ايىپپۇل سالىندى»، - دەپ حابارلادى وبلىستىق سوتتىڭ باسپا ءسوز قىزمەتىنەن.
