اۋىراياق ايەلدەر تۋرالى اڭگىمە
سوسىن ۇيگە كەلىپ مىنا ءبىر قاڭعىعان ويدى ساپىردىم.
ءبىزدىڭ ءۇي جاقتا ءنومىرى ەكىنشى ەمحانا بار. وعان نەگىزى قاۋساعان ورىس كەمپىرلەر مەن ەكىقابات ايەلدەر عانا بارادى. سول جەرگە بارىپ، ءبىر ساعات تۇرساڭ قاي ايەلدىڭ قانشاسىنشى بالاسىنا اۋىراياق ەكەنىن بولجاپ، بىلۋگە بولادى. ءبىر ماشينا اعىزىپ كەلىپ توقتايدى. ءبىرىنشى كۇيەۋى تۇسەدى دە ەسىكتى اشىپ، ايەلىن تۇسىرەدى. ايەلى جارتىلاي اۋليە. ءتوووۋ دۇنيەنى تىندىرىپ تاستاعالى ءجۇر. كوزىندە ءسال-ءپال قورقىنىش. كۇيەۋىنىڭ ەسى كىرەسىلى-شىعاسىلى. ەمحاناعا ايەلىن قولتىقتاپ بىرگە كىرەدى. تاااك، بۇلار ءبىرىنشى بالاسىن كۇتىپ ءجۇر.
تاعى ءبىر ماشينا كەلىپ توقتايدى. كۇيەۋى تۇسپەيدى. ايەلى ءوزى تۇسەدى دە كىرىپ كەتەدى. بايى تەمەكىسىن تۇتاتىپ سىرتتا قالا بەرەدى. كوزىندە ماعىناسىز ءبىر وي: «تاڭ اتقاسىن، كەشتىڭ باتاتىنى قالاي انىق بولسا، بۇ قاتىننىڭ ايتەۋىر ءبىر تۋاتىنى انىق». تاك بۇلار ەكىنشى نەمەسە ءۇشىنشى بالادان ءۇمىتتى.
ودان كەيىن شارشاپ- شالدىعىپ ءبىر ايەل كەلە جاتادى. جااااياياياياۋۋۋۋ. قارىنىن ازەر سۇيرەپ كەلەدى. كۇيەۋىنىڭ قاراسى كورىنبەيدى. ابايسىزدا تاعى كوتەرىپ قالعانىنا ءوزىن كىنالى مە، قالاي؟ بۇل ەندى توچنو تورتىنشىگە اۋىراياق...
ەڭ، قىزىعى سول - بەسىنشى بالاعا اۋىراياق ايەلدەر كوپ كەلە بەرمەيدى. ولار ءۇشىن ايما اي كەلىپ تەكسەرىلىپ تۇرۋ ۋاقىتتا بەكەرگە ءولتىرۋ. سوسىن روددوم(پەرزەنتحانا) ماسەلەسىندە بىرىنشىگە اۋىراياقتاردا ۋگروزا(قاۋىپ-قاتەر) كوپ بولادى. ءسال بىلپ ەتسە، سىلق ەتە قالادى. جانە تۋارىنان 10 كۇن بۇرىن بارىپ جاتادى. جەۋگە بولمايتىن زاتتاردى تەرەزەدەن كىرگىزىپ جەەەەەپ. ال، ءتورتىنشىسىن بوساناتىن ايەلدەر تۇنگى 10 دا بارادى دا، 11,30-دا بوسانىپ تۇك بولماعانداي جاتادى...
اكەلەرگە كەلسەك، ءبىرىنشى بالانى كۇتىپ جۇرگەندەر ايەلى ەمحاناعا باراتىن كۇنى جينالىستان قالىپ تۇرىپ بارادى. ال، ءتورتىنشىنىڭ كانديداتتارى ىستەرگە ءىس تاپپاي بوس جاتسا دا بارمايدى.
بارلىق ايەلدەردىڭ ەكىقابات بولۋىنا تىلەكتەسپىن... ارينە بايى بارلاردىڭ. بايى جوقتار اۋەلى باي تاۋىپ الىڭدار. اللا تىلەۋلەرىڭدى بەرسىن.
جازۋشى بەيبىت سارىبايدىڭ facebook-تاعى جەكە پاراقشاسىنان
