پارلامەنتتىك سايلاۋدا جەڭگەن پارتيا ۇكىمەت قۇرامىن جاساقتاۋعا ىقپال ەتەدى

استانا. قازاقپارات - پارلامەنتتىك سايلاۋدا جەڭىسكە جەتكەن پارتيا ۇكىمەت قۇرامىن جاساقتاۋدا شەشىمدى تۇردە اسەر ەتە الادى.
None
None

بۇل تۋرالى كەشەگى ءوزىنىڭ ۇندەۋىندە ق ر پرەزيدەنتى نۇرسۇلتان نازاربايەۆ ءمالىم ەتتى. ەلباسى ۇندەۋ بارىسىندا بيلىك تارماقتارى اراسىنداعى قارىم- قاتىناستاردى كونستيتۋتسيالىق دەڭگەيدە تەپە-تەڭ ەتۋ ماڭىزدى ەكەنىن اتاپ ءوتتى. «ۇكىمەت قۇرۋدا پارلامەنت ءرولىن، مينيسترلەردىڭ دەپۋتاتتار الدىنداعى جاۋاپكەرشىلىگىن كۇشەيتۋ اسا ماڭىزدى. پارلامەنتتىك سايلاۋدا جەڭىسكە جەتكەن پارتيا ۇكىمەت قۇرامىن جاساقتاۋدا شەشىمدى تۇردە اسەر ەتە الادى. وسىعان بايلانىستى، ەندى ۇكىمەتتى بۇرىنعىداي پرەزيدەنت الدىندا ەمەس، پارلامەنت الدىندا بوساتۋ زاڭدى بولادى. پارلامەنت پالاتالارى تاراپىنان ۇكىمەت مۇشەلەرىنە سەنىمسىزدىك تانىتۋ ءتارتىبىن جەڭىلدەتۋ قاجەت. بۇل زاڭ شىعارۋشى بيلىكتىڭ اتقارۋشى بيلىكتىڭ ۇستىنەن باقىلاۋىن كۇشەيتەدى»، - دەدى مەملەكەت باسشىسى.

ەلباسىنىڭ سوزىنشە، ۇكىمەتكە مەملەكەتتىك باعدارلامالاردى بەكىتۋ قۇزىرىن بەرگەن ءجون، سەبەبى ول مەملەكەتتىك باعدارلامالاردىڭ جۇزەگە اسىرىلۋىنا تولىق جاۋاپكەرشىلىك الاتىن بولادى. «ۇكىمەتكە ونىڭ قۇرامىنا كىرمەيتىن ورتالىق اتقارۋشى ورگانداردى قۇرۋ جانە جويۋ قۇزىرىن بەرۋ كەرەك. پرەزيدەنت ۇكىمەت پەن پرەمەر- ءمينيستردىڭ اكتىلەرىنە تىيىم سالۋ جانە توقتاتا تۇرۋ قۇقىعىنان باس تارتۋى مۇمكىن. وسىنىڭ بارلىعى اتقارۋشى ورگاندار مەن ولاردىڭ باسشىلارىنىڭ جاۋاپكەرشىلىگىن ارتتىرادى، قاجەتتى قۇزىرمەن قامتاماسىز ەتەدى. پرەزيدەنتتىڭ زاڭ كۇشىنە يە جارلىقتارى دا ءوزىنىڭ وزەكتىلىگىن جوعالتتى. جەرگىلىكتى اتقارۋشى بيلىككە قاتىستى پارلامەنتتىڭ ءرولىن ارتتىرۋ كوزدەلگەن»، - دەدى ەلباسى.

  

سوڭعى جاڭالىقتار