جانسايا ابدىمالىك ەۋرازيانىڭ ەڭ ادەمى شاحماتشىسى اتاعىنان ۇمىتكەر
«دوستار، وسى سىلتەمە بويىنشا ەۋرازيانىڭ ەڭ ادەمى شاحماتشىسى - Miss Chess Eurasia 2017! اتاعىنا داۋىس بەرۋ ءجۇرىپ جاتىر. جانسايادا ازىرگە تەك 437 داۋىس بار، بۇل ءبىزدىڭ مۇنداي كونكۋرس ءوتىپ جاتقانىن بىلمەگەنىمىزدەن. وسىنى ءارقايسىمىز ءوز پاراقشامىزدا بولىسەمىز جانە شاحمات حانشايىمى ءۇشىن داۋىس بەرەمىز!»، - دەلىنگەن جانسايا ابدىمالىكتىڭ فەيسبۋكتەگى رەسمي اككاۋنتىنداعى جازبادا.
داۋىس بەرۋ سايتىندا وسى ۋاقىتتا الدىدا كەلە جاتقانداردىڭ قاتارىندا وزبەكستاندىق سارۆينوز كۋربانبويەۆا (534 داۋىس)، جانسايا ابدىمالىك (437) پەن تاجىكستاندىق مۋتريبا حوتامي (405 داۋىس) بار. 17 جاسار جانسايا ابدىمالىك - ايەلدەر اراسىندا حالىقارالىق دارەجەدەگى گروسمەيستەر. قازىرگى تاڭدا Top 100 Women January 2017 تىزىمىندە ول 43 -ورىندا تۇر. فيدە رەيتينگىندە جانسايا ابدىمالىك - 2430-دا تۇر.
