قاپشاعايدا قيار مەن قىزاناق وسىرەتىن جىلىجايدىڭ اۋماعى كەڭەيەدى
مۇندا وتكەن جىلى 1693 توننا قىزاناق، 1595 توننا قيار وسىرىلگەن، دەپ حابارلايدى قازاقپارات ءتىلشىسى ءوڭىر باسشىسىنىڭ باسپا ءسوز قىزمەتىنە سىلتەمە جاساپ.
وندىرىلگەن ءونىم قازاقستانمەن قاتار رەسەي مەملەكەتىندە ءوز تۇتىنۋشىلارىن تاۋىپ وتىر. گوللانديالىق قۇرال- جابدىقتارمەن جابدىقتالعان جىلىجايدا تامشىلاتىپ سۋارۋ ءادىسى قولدانىلادى. سەرىكتەستىك ديرەكتورى الماس داۋىتوۆتىڭ ايتۋىنشا، جوبانىڭ ەكىنشى كەزەڭى 2018 -جىلى قولعا الىنادى. تابيعي گاز تارتىلعاننان كەيىن ازىرگە بوس جاتقان 15 گەكتار جەرگە جىلىجاي اۋماعى كەڭەيتىلەتىن بولادى. 2017 -جىلى قاجەتتى قۇجاتتارى مەن ينفراقۇرىلىمىن ازىرلەپ، 2018 -جىلى قۇرىلىسىن باستاۋ جوسپاردا بار.
سونداي- اق ساپار بارىسىندا اماندىق باتالوۆ قالانىڭ شەكاراسىندا ورناتىلعان ستەندىلەردەگى اقپاراتتار ارقىلى جول جيەگىندەگى قۇرىلىس نىساندارىنىڭ جۇمىسىن جاقسارتۋ جوبالارىمەن تانىستى. قالا اكىمى تالعات قايناربەكوۆ «الماتى- وسكەمەن» اۆتوجولى بويىنىڭ قالاقۇرىلىستىق جوسپارلاۋ كەشەنى، «الماتى - ارقارلى» تەلىمى، ونداعى سەرۆيستىك قىزمەت كورسەتۋ نىساندارىنىڭ جوبالارى تۋرالى بايانداپ، قالانىڭ كىرەبەرىسىنىڭ ساۋلەتتىك كەلبەتى جوبالارىن دا كورسەتتى.
اۆتور: سامال قابىشيەۆا
