20:12, 25 - قاڭتار 2017 | GMT +6
كۋۆەيتتە كورولدىك وتباسىنىڭ مۇشەسى ءولىم جازاسىنا كەسىلدى
استانا. قازاقپارات - كۋۆەيتتە ءولىم جازاسىنا كەسىلگەن جەتى ادام، سونىڭ ىشىندە كورولدىك وتباسى مۇشەسى - حانزادا فايسال ابدۋللا ال- دجابەر ال- ساباح ءولتىرىلدى.
ول قارۋ- جاراقتى زاڭسىز يەلەنىپ، ادام ولتىرگەنى ءۇشىن كىنالى دەپ تابىلعان ەدى، دەپ حابارلادى سارسەنبى كۇنى interfax.ru KUNA مەملەكەتتىك اگەنتتىگىنە سىلتەمە جاساپ.
اگەنتتىك دەرەگىنە سۇيەنسەك، ولتىرىلگەندەردىڭ اراسىندا كۋۆەيت، بانگلادەش، فيليپپين، ەفيوپيا جانە ەگيپەت ازاماتتارى بولعان. كۋۆەيت ازاماتشاسى كۇيەۋىنىڭ ەكىنشى ايەل الاتىندىعى تۋرالى شەشىمىنەن سوڭ، تويداعى 40 ايەل مەن بالانى ولتىرگەنى ءۇشىن ءولىم جازاسىنا كەسىلگەن ەدى.
