قانات يسلام كەزەكتى جەكپە- جەگىن استانادا وتكىزۋى مۇمكىن
ال ودان كەيىنگى جەكپە- جەكتەرىنىڭ ءبىرىن استانادا وتكىزۋى مۇمكىن. بۇل تۋرالى سپورتشىنىڭ وكىلى بەرىك سۇلتان Vesti.kz باسىلىمىنا بەرگەن سۇحباتىندا بوكسشىنىڭ الداعى جوسپارلارى جايلى ايتىپ بەردى.
- مادەنيەت جانە سپورت ءمينيسترى 29 قازاندا وتكەن جەكپە- جەكتەن كەيىن قانات يسلامدى قابىلداپ، وعان مەملەكەت باسشىسىنىڭ قۇتتىقتاۋىن جەتكىزدى. سول كەزدەسۋدە EXPO حالىقارالىق كورمەسىن وتكىزۋ بارىسىندا ۇلكەن بوكس كەشىن ۇيىمداستىرىپ، سوندا قانات يسلامدى شاقىرۋ تۋرالى وي تۋىنداعان بولاتىن، - دەدى بەرىك سۇلتان. سونداي- اق قانات يسلامنىڭ وكىلى قازاقستاندىق بوكسشىنىڭ EXPO قارساڭىندا وتكىزىلەتىن بوكس كەشىنە قاتىسۋعا دايىن ەكەنىن ايتتى. «كەشتىڭ ناقتى قاي ايدا وتەتىنى بەلگىسىز. بوكس كەشى جازدىڭ سوڭىندا وتەتىن بولسا، قانات مامىر ايىندا ا ق ش- تا تاعى ءبىر جەكپە- جەك وتكىزىپ، استاناداعى بوكس كەشىنە دايىندىقتى باستاۋعا دايىن. ەگەر ودان ەرتە وتەتىن بولسا، قانات يسلام اسسيسپەن جۇدىرىقتاسقان سوڭ- اق دايىندىقتى باستاي بەرەدى. بوكس كەشىنە ءبىر كۇندە گەننادي، بەيبىت، جانات پەن قانات سياقتى بوكسشىلار قاتىسسا، بۇل كەش ناعىز جانكۇيەرلەر كۇتكەن دودا بولماق»، - دەدى بوكسشىنىڭ وكىلى.
Massaget.kz
