قىتايدىڭ الپاۋىت كومپانياسى ديماش قۇدايبەرگەنوۆكە ارناپ سمارتفون شىعاردى - فوتو

استانا. قازاقپارات - ديماش قۇدايبەرگەنوۆ جەلىدەگى پاراقشاسى ارقىلى ءبىر ماقتانىپ الدى. ول قىتايدىڭ الپاۋىت كومپانيالارىنىڭ ءبىرىنىڭ وزىنە ارناپ سمارتفون جاساعانىن ايتتى.

بۇل تۋرالى Stan.kz حابارلايدى.

ديماش قۇدايبەرگەنوۆ ءالى كۇنگە دەيىن قىتايدا ءجۇر. وتاندىق ءانشى قاتىسىپ جاتقان بايقاۋ اياقتالمادى. ونى ەندى 28 -قاڭتار كۇنى بەيجىڭ ۋاقىتىمەن ساعات 22:05-تە تىڭداي المايمىز. ازىرگە ءانشى قوس ەلدىڭ كوزايىمىنا اينالىپ، ءتۇرلى ماقتان سوزدەر ەستىپ جاتىر. وسى ورايدا، ول قىتايدىڭ الپاۋىت كومپانيالارىنىڭ ءبىرى وزىنە ارنايى جاساعان سمارتفوندى كورسەتتى.

«Vivo كومپانياسى جەكە قولىم مورلەنگەن، ارنايى ماعان ارنالىپ دايىندالعان X9 تەلەفونىن سىيعا تارتتى! كوپ راحمەت!» - دەيدى ديماش قۇدايبەرگەنوۆ.

ءانشىنىڭ اتالعان جازباسىنا 1200-دەن استام پىكىر جازىلعان. ولاردىڭ بارلىعى دەرلىك قۇتتىقتاۋلار. مۇنىمەن قاتار، پىكىرلەردىڭ جارتىسىنان كوبى قىتاي، اعىلشىن، ورىس تىلدەرىندە جازىلعان.

«اللا جار بولسىن! ءتىل كوزدەن ساقتاسىن. بايقاپ ءجۇرشى. نەشە ءتۇرلى ادام نەشە ءتۇرلى نيەتتى بولادى»، «ساعان نە بەرسە، سوعان لايىقتىسىڭ. داۋسىڭ كەرەمەت! سەنەن كەيىن انشىلەر ساحناعا شىعا الماي قالعان شىعار. سەن سياقتى دارىندىلار كوبەيە بەرسىن»، «شىن جۇرەكتەن قۋانىشتىمىن! قازاقتىڭ باعىنا تۋعان جان ەكەنسىڭ. اللا جار بولسىن!» دەپ جازدى جەلى قولدانۋشىلارى.