بايان ەسەنتايەۆا ب ا ق- تى سوتقا بەرۋ ءۇشىن ادۆوكاتتاردىڭ كومەگىنە جۇگىندى
بۇل تۋرالى ول Instagram جەلىسىندەگى پاراقشاسىندا جازدى.
«بۇل پورتالعا، ماقالا اۆتورى قۇرمەتتى تاڭشولپان احمەتوۆاعا ءبىرىنشى شاعىمىم. ب ا ق- تاردى مەنىڭ جەكە ومىرىمە قاتىستى كاسىبي ادەپ ساقتاۋعا شاقىرامىن، ولاي بولماعان جاعدايدا ق ر ازاماتى رەتىندە ءوز قۇقىعىمدى ورگاندار ارقىلى قورعايتىن بولامىن. نازارلارىڭىزعا راقمەت»، - دەپ جازدى ەسەنتايەۆا.
سوتالدى شاعىمنىڭ ماتىنىنە قاراعاندا، بايان ەسەنتايەۆا بيىل زەينەتتەگى ۇستاز تاڭشولپان احمەتوۆانىڭ 20 -قاڭتاردا قازاقستاندىق ينتەرنەت- پورتالدا جاريالانعان ۇندەۋىنە قاتىستى ادۆوكاتتىڭ قىزمەتىن الۋعا ءوتىنىش جازعان. ەسەنتايەۆا بۇل ماقالادا ار- نامىسى مەن ابىرويىنا جانە ىسكەرلىك بەدەلىنە نۇقسان كەلتىرەدى دەپ ەسەپتەيدى ەكەن.
«بەسارت» جەكە ادۆوكات كونتوراسىنىڭ باسشىسى نۇرلان وستەمىروۆ Tengrinews.kz تىلشىسىنە ەسەنتايەۆانىڭ باسىلىمدى جالعان مالىمەت تاراتتى دەپ جاۋاپكەرشىلىككە تارتۋعا نيەتتى ەكەنىن راستادى.
«ق ر زاڭناماسىندا شىندىققا جاناسپايتىن مالىمەتتى تاراتۋعا جاۋاپكەرشىلىك، ونىڭ ىشىندە قىلمىستىق جاۋاپكەرشىلىك قاراستىرىلعان: قر قىلمىستىق كودەكسىنىڭ 130-بابى («جالا جابۋ») جانە 131-بابى («قورلاۋ»)، ازاماتتىق كودەكستىڭ 143-بابى («ار- نامىستى، قادىر- قاسيەتتى جانە ىسكەرلىك بەدەلدى قورعاۋ»)، ق ر جوعارعى سوتىنىڭ 1992 -جىلدىڭ 18 -جەلتوقسانىنداعى «سوت تاجىريبەسىندە ازاماتتاردىڭ جانە زاڭدى تۇلعالاردىڭ ار-نامىسى مەن ابىرويىن جانە ىسكەرلىك بەدەلدىلىگىن قورعاۋ جونىندەگى زاڭدىلىقتى قولدانۋ تۋرالى» نورماتيۆتىك قاۋلىسى»، - دەلىنگەن شاعىمدا.
ادۆوكات بايان ەسەنتايەۆانىڭ پروكۋراتۋراعا نەمەسە سوتقا ءوز قۇقىعىن قورعاۋعا جانە جوعارىدا كورسەتىلگەن قۇقىق نورمالارىنىڭ كەز كەلگەنىن قورعاۋعا شاعىم تۇسىرە الاتىنىن ايتتى.
«وسىعان بايلانىستى تەكسەرىلمەگەن، راستالماعان، ابىرويعا، ار-نامىس پەن ىسكەرلىك بەدەلگە نۇقسان كەلتىرەتىن مالىمەت جاريالاعانى ءۇشىن پورتالدا جوققا شىعارۋدى جانە ب. م. ەسەنتايەۆادان كەشىرىم سۇراۋدى سۇرايمىن»، - دەپ اتاپ ءوتتى وستەمىروۆ. ول پورتالدان 2017 -جىلدىڭ 3 -اقپانىنان كەشىكتىرمەي جاۋاپ كۇتەتىنىن ايتتى.
ال وسىعان دەيىن ول ار-نامىسىنا تيەتىن پىكىر جازعان ادامداردى سوتقا بەرەتىنى جايلى مالىمدەگەن بولاتىن.
«ق ر ازاماتتىق كودەكسىنىڭ 143-بابى بويىنشا ار- نامىسىمدى، قادىر-قاسيەتىمدى جانە ىسكەرلىك بەدەلىمدى قورلايتىن ءارى شىندىققا جاناساتىنىن دالەلدەي المايتىن مالىمەتتەردى سوت ارقىلى جوققا شىعارۋعا قۇقىلىمىن. قۇرمەتتى ارنات، سوتتا كەزدەسۋگە تۋرا كەلەتىن ادامدارىمنىڭ تىزىمىندە ءسىز ءبىرىنشىسىز. ار- نامىسىم مەن ابىرويىما نۇقسان كەلتىرەتىن ءاربىر ادامعا وسىنداي شارا قولدانىلادى!»، - دەپ جازدى ەسەنتايەۆا.
ايتا كەتەيىك، پروديۋسەردىڭ جاڭا سۇيىكتىسى جايلى بەلگىلى بولا باستاعاندا-اق جەلى قولدانۋشىلارى مۇنى قىزۋ تالقىعا سالىپ، ءبىرى جاقتاسا، ءبىرى داتتاعان ەدى.
ەسكە سالايىق، تاياۋدا بايان ەسەنتايەۆانىڭ الماتىلىق بيزنەسمەن تۇرسىنعالي الاگوزوۆپەن كوڭىل قوسقانى بەلگىلى بولدى. باستاپقىدا بيزنەسمەن بۇل تۋرالى Instagram جەلىسىندەگى پاراقشاسىندا جازسا، كەشە، 22 -قاڭتاردا پروديۋسەردىڭ ءوزى ونىڭ ۇسىنىسىن قابىل العانىن مالىمدەدى.
