ترامپ يادرولىق سوققىنى ءبىرىنشى بولىپ جاساۋ قۇقىعىنان ايىرىلماق

ول ا ق ش- تىڭ وسىنداي قارۋعا يە وزگە مەملەكەتتەرمەن يادرولىق جانجال قاۋپىن تومەندەتۋگە باعىتتالعان، دەپ حابارلايدى قازاقپارات.
«بۇل زاڭ كونگرەسس سوعىس جاريالاماي تۇرىپ، پرەزيدەنتكە يادرولىق سوققىنى ءبىرىنشى بولىپ جاساۋعا تىيىم سالاتىن بولادى. «ءبىرىنشى بولىپ باستاۋ» پروبلەماسى دونالد ترامپ يادرولىق سوعىستى كەز كەلگەن ۋاقىتتا باستاي الاتىن قازىرگى ۋاقىتتا قايتا ماڭىزدى بولا ءتۇستى»، - دەلىنگەن زاڭ جوباسىنىڭ اۆتورى سەناتور- دەموكرات ەدۆارد ماركيدىڭ مالىمدەمەسىندە.
بۇل تۋرالى «ريا نوۆوستي» اگەنتتىگى حابارلاپ وتىر. ماركيدىڭ اتاپ وتۋىنشە، قازىر ا ق ش پرەزيدەنتىندە يادرولىق قارۋدى ءبىرىنشى بولىپ قولدانۋ قۇقى بار. ونىڭ سوزىنشە، ترامپ لاڭكەستەرمەن كۇرەسۋ ءۇشىن بۇل مۇمكىندىكتى قولدانا الاتىندىعىن ايتىپ تا ۇلگەرگەن. «يادرولىق شابۋىلعا جاۋاپ رەتىندە عانا بولماسا، پرەزيدەنت ترامپقا بولسىن، وزگە پرەزيدەنتكە بولسىن يادرولىق قارۋدى قولدانۋعا رۇقسات ەتىلمەۋى ءتيىس»، - دەيدى ول. كونگرەسمەن سونداي-اق، ترامپتىڭ يناۋگۋراتسياعا دەيىن جاساعان «ۇراندى مالىمدەمەلەرىنە» الاڭداۋشىلىق بىلدىرەتىنىن ايتىپ ءوتتى.