قازاقستاندا تۇرىپ جاتقان شەتەلدىكتەر مەديتسينالىق ساقتاندىرۋ قورىنا جارنا تولەيتىن بولادى

استانا. قازاقپارات - قازاقستاندا تۇرىپ جاتقان شەتەلدىك ازاماتتار مەديتسينالىق ساقتاندىرۋ قورىنا جارنا تولەيتىن بولادى، دەپ حابارلايدى قازاقپارات.

بۇل جاڭا نورمالار «ق ر كەيبىر زاڭنامالىق اكتىلەرىنە دەنساۋلىق ساقتاۋ جانە الەۋمەتتىك- ەڭبەك سالالارى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا كورىنىس تاۋىپ وتىر.

بۇل تۋرالى ق ر دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ەلجان ءبىرتانوۆ ءمالىم ەتتى.

«ەكى ساناتى بار. قازاقستانعا قوناقتاۋعا كەلگەن شەتەلدىك ازامات مىندەتتى الەۋمەتتىك مەديتسينالىق ساقتاندىرۋعا جاتپايدى. ولار وزدەرى ساقتاندىرۋ پوليسىن الۋلارى ءتيىس»، - دەدى ءبىرتانوۆ تىلشىلەردىڭ ساۋالىنا جاۋاپ قاتۋ بارىسىندا. سىرت مەملەكەتتىڭ ەلىمىزدەگى ديپلوماتيالىق جانە ولارعا تەڭەستىرىلگەن وزگە دە مەكەمەلەرىنىڭ قىزمەتكەرلەرى، قازاقستاندا تىركەلگەن كونسۋلدىق مەكەمەلەردە قىزمەت ەتەتىن شەتەلدىك ازاماتتار، سونىمەن قاتار xالىقارالىق جانە مەملەكەتتىك ۇيىمداردا، شەتەلدىك جانە قازاقستاندىق ۇكىمەتتىك ەمەس قوعامدىق ۇيىمدار مەن قورلاردىڭ قىزمەتكەرلەرى 2017 -جىلدىڭ 1 -شىلدەسىنەن باستاپ، كىرىستەرىنىڭ %5 ىن مەديتسينالىق قورعا باعىتتاۋلارى ءتيىس. «ادەتتە، بيزنەسمەندەر مەن ديپلوماتتار كورپوراتيۆتىك نەمەسە جەكە ساقتاندىرۋ پوليستەرىنە يە. ءبىراق بىزدە تۇرىپ جاتقان شەتەلدىك ازاماتتار ءۇشىن ءبىز وسىنداي قۇقىق بەرەمىز. ياعني، ولار كىرىس الۋ ورنى بويىنشا جارنا تولەي الادى. ولاردا ونداي مۇمكىندىك بولادى»، - دەدى ول.

ونىڭ ەسكە سالۋىنشا، جاڭا زاڭ جوباسى بويىنشا، شەتەلدىك قىزمەتكەرلەر ءۇشىن جۇمىس بەرۋشى 2017 -جىلدىڭ 1 -شىلدەسىنەن باستاپ، كىرىسىنىڭ 1 پايىزىن قورعا اۋدارۋى ءتيىس. ايتا كەتەيىك، جاڭا زاڭ جوباسى بويىنشا، جۇمىس بەرۋشىلەردىڭ قىزمەتكەرلەرى ءۇشىن تولەيتىن جارناسى 2017 -جىلدىڭ 1 -شىلدەسىنەن باستاپ 1 پايىزدى قۇراماق، ول كورسەتكىشتى 2022 -جىلعا دەيىن 3 پايىزعا جەتكىزۋ كوزدەلگەن.

اۆتور: جاسۇلان جولدىبايەۆ