07:35, 25 - قاڭتار 2017 | GMT +6
اكتەر بەينەكورىنىس ءتۇسىرۋ ءۇشىن اتقان وقتان قازا تاپتى
استانا. قازاقپارات - اۆستراليالىق اكتەر مۋزىكالىق بەينەكورىنىس ءتۇسىرۋ كەزىندە وق ءتيىپ قازا تاپتى، دەپ جازادى «حابار 24».
وقيعا بريسبەن قالاسىنداعى ءدامحانالاردىڭ بىرىندە بولعان. جەرگىلىكتى حيپ-حوپ توبى بەينەباياننىڭ سەناريى بويىنشا اتىس كورىنىسىن ساحنالاۋى ءتيىس ەكەن. ءدال وسى ءساتتى تۇسىرگەن كەزدە توپتىڭ ءبىر مۇشەسى كەۋدەسىنە تيگەن وقتان كوز جۇمعان. پوليتسيا بولعان جاعدايدى «وندىرىستىك وقيعا» دەپ باعالاپ وتىر.
ازىرگە اكتەرلەردىڭ تاپانشالارى قانداي وقپەن وقتالعانى بەلگىسىز. تەرگەۋشىلەر «جاقىن تۇرىپ اتسا، بوس پاتروننىڭ ءوزى ادامدى قاتتى جاراقاتتاۋى مۇمكىن» دەگەندى ايتادى.
