جينالىستا ەسەپ بەرىپ تۇرعان گۋبەرناتور ەسىنەن تانىپ قالدى

استانا. قازاقپارات - ا ق ش- تا ميننەسوتا شتاتىنىڭ گۋبەرناتورى مارك دەيتون جينالىستا ءسوز سويلەپ تۇرىپ، ەسىنەن تانىپ قالدى. ول جىل سايىنعى ءداستۇرلى جولداۋ اياسىندا حالىق الدىندا ەسەپ بەرىپ تۇرعان، دەپ حابارلايدى AP.

 وقىس وقيعا شتاتتىڭ سەينت پول قالاسىندا تاپاتال تۇستە بولدى. جينالعان جۇرت الدىندا سويلەپ تۇرعان شتات باسشىسىنىڭ بىرتىندەپ ءتىلى كۇرمەلىپ، ارتىنشا تالىپ قۇلاعان. ونى سول جەردە جاقىن وتىرعان ارىپتەستەرى قاۋمالاپ، ايتەۋىر جەرگە قۇلاۋدان امان ساقتاپ قالدى.

 گۋبەرناتوردى عيماراتتاعى مەديتسينالىق پۋنكت دارىگەرى قاراپ، ەسىن جيناتتىردى. جالپى دەيتون ميننەسوتا شتاتىنىڭ تاريحىنداعى ەڭ قارت گۋبەرناتور بولىپ تابىلادى. جاسى جەتپىسكە جەتكەن باسشى 2 كۇننەن كەيىن تۋعان كۇنىن تويلايتىن بولادى. ايتا كەتۋ كەرەك، ول وتكەن جىلى قىستا قاتىسقان قايىرىمدىلىق كەشىندە دە وسىلاي ەسىنەن تانىپ، قۇلاعان بولاتىن.

www.24.kz