ورالدا تاپسىرىسپەن ۇشاتىن جەڭىل ۇشاق تانىستىرىلدى
وبلىس اكىمىنىڭ ورىنباسارى يگور ستەكسوۆ قاتىسقان شارا بارىسىندا باتىس قازاقستاندىقتارعا وسى قىزمەت ءتۇرىن ۇسىنىپ وتىرعان «قازمەدەي» ا ق باس ديرەكتورى اندرەي كوسولاپوۆتىڭ اتاپ وتكەنىندەي، وزىق تەحنولوگيا نەگىزىندە جاسالعان ۇنەمدى ءارى يكەمدى ۇشاق شەكارالاس وڭىرلەرگە، سونداي- اق اۋىل- ايماققا ساپارلاي الادى.
بۇل ۇشاقپەن ادامدارمەن قاتار جۇكتى تاسىمالداۋعا بولادى. سونىمەن قاتار پاراشيۋتپەن ءتۇسۋ، مەديتسينالىق باعىتتا كوشىرۋ، ايەرو فوتو ءتۇسىرىلىم سياقتى ءتۇرلى قىزمەتتەردى اتقارادى. ياعني كوپ سالالى ۇشاق سەنىمدى، قاۋىپسىز ءارى قولدانۋعا ءتيىمدى. مىسالى، اقتوبە قالاسىنا دەيىن ۇشاقتىڭ ۇشۋ قۇنى ورتا ەسەپپەن 2 ميلليون تەڭگە (ءبىر ساعاتتىق قۇنى - 500 مىڭنان استام تەڭگە) تۇرادى. وعان كاسىپكەرلەر تاپسىرىس بەرسە، ورالدان اتىراۋعا 1 ساعات 45 مينۋتتا، اقتاۋعا 3 ساعات 30 مينۋتتا، استاناعا 5 ساعاتتان استام ۋاقىتتا جەتە الادى. سونداي- اق رەسەيدىڭ كورشىلەس ورىنبور، سامارا، استراحان سىندى قالالارىمەن دە اۋە قاتىناسىن ورناتۋعا بولادى. ورالدا ازىرگە ءبىر ۇشاق قىزمەتكە دايىن، الداعى ۋاقىتتا سۇرانىسقا سايكەس ولاردىڭ سانىن كوبەيتۋ كوزدەلۋدە.
ايتا كەتەيىك، اتالمىش ۇشاق ا ق ش- تا وتكەن عاسىردىڭ سەكسەنىنشى جىلدارى جاسالعان. ورتاشا قۇنى - 3 ميلليون دوللار جولاۋشىلار سالونىنا سەگىز ادام سىيادى. ۇشۋ ۇزاقتىعى - 1680 شاقىرىم، جىلدامدىعى - ساعاتىنا 352 شاقىرىم.
اۆتور: ەلجان ەرالى
