كەمەلبەك ويشىبايەۆ «قازاقستان» ر ت ر ك» ا ق باسقارما ءتوراعاسى قىزمەتىنەن كەتتى

استانا. قازاقپارات - كەمەلبەك ويشىبايەۆ «قازاقستان» ر ت ر ك» ا ق باسقارما ءتوراعاسى قىزمەتىنەن كەتەتىنىن مالىمدەدى، دەپ حابارلايدى قازاقپارات.

     ول بۇل تۋرالى فەيسبۋك الەۋمەتتىك جەلىسىندەگى جەكە پاراقشاسىنا جازدى.

«قۇرمەتتى دوستار! «قازاقستان» ر ت ر ك» ا ق باسقارما ءتوراعاسى قىزمەتىنەن كەتۋدى ۇيعاردىم. وقۋ تۋرالى ىسكە اسىرىلماي قالعان ويلارىم بار ەدى، سولاردى جالعاستىرسام دەيمىن. از ۋاقىت ىشىندە كوپ شارۋا باستادىق. مەنىڭ كەتكەنىمە قاراماستان، جالعاسى بولادى دەپ ۇمىتتەنەمىن. ەڭ باستىسى - جاقسى ادامدارمەن تانىستىم، كاسىبي ماماندار، كەرەمەت ورتا. كورپوراتسيانىڭ بولاشاعى زور! ءوزىم ءۇشىن قازاق تەلەۆيزياسىنىڭ قارا شاڭىراعىندا قىزمەت ەتۋ ۇلكەن تاجىريبە بولدى. ارىپتەستەرىمە دە، بارلىق جاناشىرلارىما دا كوپ راحمەت!»، - دەپ جازعان ك. ويشىبايەۆ.

 ايتا كەتەيىك، كەمەلبەك ويشىبايەۆ بۇل قىزمەتكە 2016 -جىلدىڭ 1- قازانىندا تاعايىندالعان بولاتىن.

ويشىبايەۆ كەمەلبەك باقتىعۇل ۇلى 1977 -جىلى 13 - شىلدەدە دۇنيەگە كەلگەن. ءال- فارابي اتىنداعى قازاق ۇلتتىق ۋنيۆەرسيتەتىن جۋرناليستيكا ماماندىعى بويىنشا، قازاق گۋمانيتارلىق- زاڭ ۋنيۆەرسيتەتىن زاڭگەر ماماندىعى بويىنشا، حالىقارالىق بيزنەس اكادەمياسىن كورپوراتيۆتى مەنەدجمەنت ماماندىعى بويىنشا ءتامامداعان، سونىمەن قاتار Geneva Business School - MBA مەكتەبىن بىتىرگەن.

ورتالىق كوممۋنيكاتسيالار قىزمەتىنىڭ ديرەكتورى قىزمەتىن اتقاردى. سونىمەن بىرگە «قازمەديا ورتالىعى» باس ديرەكتورىنىڭ ورىنباسارى، «namaZ قازاقستان» رەسپۋبليكالىق گازەتى باس رەداكتورىنىڭ ورىنباسارى، «قازاق تەلەكوم» ا ق كورپوراتيۆتىك ساتىلىمدار ديرەكسياسىنىڭ باس ديرەكتورى قىزمەتتەرىن اتقارعان.

اۆتور: كەنجەكەي توقتامۇرات قىزى