وپپوزيتسيا دەلەگاتسياسىنىڭ كەڭەسشىسى: استانادا ساياسي ماسەلەلەر تالقىلانعان جوق
بۇل جايىندا سيريالىق وپپوزيتسيا دەلەگاتسياسىنىڭ كەڭەسشىسى ۋساما ابۋ زەيد ءمالىم ەتتى، دەپ حابارلايدى قازاقپارات رەسەيدىڭ جاڭالىقتار اگەنتتىگىنە سىلتەمە جاساپ.
«تاراپتار كەلىسسوزدەر بارىسىندا ەشقانداي ساياسي ماسەلەنى تالقىلاعان ەمەس. ازىرشە ءبىتىمدى بۇزۋ ماسەلەسى تالقىلانۋدا»، - دەدى ول جۋرناليستەرگە.
ايتا كەتەيىك، كەلىسسوزگە قاتىسۋشى تاراپتار ساعات 14.00-دە استانا پروتسەسىنىڭ ناتيجەلەرىن جاريا ەتۋ ءۇشىن قورىتىندى باسپا ءسوز ءماسليحاتىنا شىعادى دەپ كۇتىلۋدە. كەلىسسوزدەرگە قاتىسۋشىلاردى قابىلداۋشى تاراپ بارلىق دەلەگاتسيا وكىلدەرىنە باسپا ءسوز ءماسليحاتى وتكىلەتىن ارنايى زال دايىنداپ قويعان. ق ر سىرتقى ىستەر مينيسترلىگىنىڭ وكىلى باق الدىنا كىمنىڭ شىعاتىندىعىن ءدوپ باسىپ ايتپادى.
دەگەنمەن، ب ۇ ۇ باس حاتشىسىنىڭ سيريا جونىندەگى ارناۋلى ەلشىسى ستاففان دە ميستۋرانىڭ جۋرناليستەرگە بريفينگ وتكىزۋ مۇمكىنشىلىگى جوعارى بولىپ تۇر.
اۆتور: مارلان جيەمباي
