قىتايدا بالا تۋۋ كورسەتكىشى ەڭ جوعارعى دەڭگەيگە جەتتى

استانا. قازاقپارات - ​قىتايدا «ءبىر وتباسىنا ءبىر بالا» ساياساتىنىڭ كۇشى جويىلعالى بەرى ءبىر جىل ءوتتى.

سونىڭ سەبەبىنەن بالا تۋۋ كورسەتكىشى بىردەن وسكەن. ەل بيلىگى 2020 -جىلعا دەيىن وسى كورسەتكىشتى ساقتاپ، حالىق سانىن 1,42 ميللياردقا جەتكىزۋدى جوسپارلاپ وتىر.

 جاقىن بولاشاقتا قىتايلاردىڭ شەكتەن تىس كوبەيۋىنىڭ سەبەبىنەن حالىقتىڭ ۇدەرە قونىس اۋدارۋ قاۋپى بار.

قىتاي شەنەۋنىكتەرىنىڭ جاقىندا جاريالاعان مالىمدەمەسىندە 2017 -جىلى حالىق سانىنىڭ ءوسۋ كورسەتكىشى 2000 -جىلدان بەرگى ەڭ جوعارعى دەڭگەيگە جەتكەنى ايتىلدى. ءبىر عانا 2016 -جىلدىڭ وزىندە قىتايدا 17,6 ميلليون ءسابي دۇنيەگە كەلگەن.

بۇل 2015 -جىلى زاڭناماعا ەنگىزىلگەن وزگەرىستەرگە بايلانىستى بولىپ وتىر. كەلىنشەكتەرگە 2016 -جىلدىڭ 1-قاڭتارىنان باستاپ ءبىر بالادان ارتىق تۋۋعا رۇقسات بەرىلگەن بولاتىن.

قازىرگى ۋاقىتتا ەلدەگى بالا تۋۋعا قابىلەتتى كەلىنشەكتەردىڭ سانى بەس ميلليونعا ازايعان. دەنساۋلىق ساقتاۋ جانە وتباسىن جوسپارلاۋ كوميسسياسىنىڭ باسشىلارى «ءبىر وتباسىنا ءبىر بالا» شەكتەۋىنىڭ ءدال ۋاقىتىندا كۇشى جويىلعانىن ايتىپ وتىر. ەندى بيلىك جىل سايىنعى بالا تۋۋ كورسەتكىشىن 17-20 ميلليون دەڭگەيىندە ۇستاۋعا نيەتتى.

2020 -جىلدىڭ سوڭىندا حالىق سانىن 1,42 ميللياردقا جەتكىزبەك. 2015 -جىلدىڭ سوڭىندا بۇل كورسەتكىش 1,37 ميلليارد بولعان.

ەگەر ءوسىم ەل بيلىگىنڭ وسى جوسپارىنا سايكەس جۇرەر بولسا جاقىن ۋاقىتتا جەر بەتىندەگى حالىقتىڭ %25 قىتايلار قۇراماق. مامانداردىڭ بولجامى بويىنشا 2024 -جىلى جەر بەتىندەگى حالىق سانى سەگىز ميللياردقا جەتپەك.

 

دەرەككوز: https://dni.ru