07:49, 24 - قاڭتار 2017 | GMT +6
اقمولا وبلىسىندا سالەم-ساۋقات سۋپەرماركەتى جۇمىس ىستەي باستادى
كوكشەتاۋ. قازاقپارات - «قازپوشتا» اكسيونەرلىك قوعامىنىڭ اقمولا وبلىستىق فيليالىندا جاڭارتىلعان بولىمدەر اشىلىپ، حالىققا قىزمەت كورسەتە باستادى، دەپ حابارلايدى «قازاقپارات» ح ا ا ءتىلشىسى.
اتالعان بولىمدەردە تۇتىنۋشىلاردىڭ قارجىلىق قىزمەتتەرى، سالەم-ساۋقات سۋپەرماركەتى سياقتى بىرنەشە قىزمەتتەر كورسەتىلەدى. جاڭا بولىمدەردىڭ اشىلۋ سالتاناتىنا قاتىسقان وبلىس اكىمىنىڭ ورىنباسارى نۇرلان نۇركەنوۆ «قازپوشتا» - اۋىل تۇرعىندارىنا ۇزدىكسىز قىزمەت ەتەتىن جالعىز كومپانيا ەكەندىگىن، جۇمىسىن زامان تالابىنا ساي قۇرىپ وتىرعاندىعىن ايتىپ، جاڭا باستاماعا ساتتىلىك تىلەدى.
«قازپوشتا» اكسيونەرلىك قوعامى باسقارماسىنىڭ ءتوراعاسى باعدات مۋسيننىڭ ايتۋىنشا جىل سوڭىنا دەيىن 400 ءبولىم جاڭارتىلماقشى. سالەم- ساۋقات سۋپەرماركەتى ازىرگە ەلىمىزدىڭ 13 ايماعىندا بار ەكەن. اقمولا وبلىسىندا جاڭا قىزمەت شورتاندى، اقكول جانە كوكشەتاۋ قالالارىندا جۇمىس ىستەيدى.
اۆتور: اسلان وسپانوۆ
