ديماش قۇدايبەرگەنوۆ ءوزىن ۆيتاسقا تەڭەيتىندەرگە نازىن ءبىلدىردى

«ارينە، ۆيتاس جاقسى ءانشى، ونى قۇرمەتتەيمىن، ءبىراق مەن «ەكىنشى ۆيتاس» ەمەسپىن! مۋزىكادان حابارى بار ماماندار مەنى جاقسى تۇسىنەدى...»، - دەپ جازدى ءانشى ءوزىنىڭ ينستاگرامداعى پاراقشاسىنا.
سونىمەن بىرگە، ءانشى كەلەسى بايقاۋدا ۆيتاستىڭ اتاقتى «وپەرا-2» ءانىن شىرقايتىنىن جانە بۇل ءاندى ۆيتاستىڭ داۋىسىنان 2 تون جوعارى ورىنداۋعا بەل بۋعانىن ءمالىم ەتتى. كەزەكتى بايقاۋ 28 -قاڭتار كۇنى بەيجىڭ ۋاقىتىمەن 22:05-تە باستالادى. ال 30 -قاڭتار كۇنى ديماش قىتايدىڭ جاڭا جىلدىق مەرەكەلىك كونسەرتىندە ونەر كورسەتەدى.
ايتا كەتەيىك، قىتايلىق ىزدەۋ سايتىندا بۇگىن «ديماش» ءسوزى ءبىرىنشى ورىنعا شىققان. الەۋمەتتىك جەلىگە قىتايلىق تابىنۋشىلار ديماشتىڭ سۋرەتىن جۇكتەپ، ءوز سەزىمدەرىن اشىق بىلدىرۋدە. ولار ديماشتىڭ قازاق تىلىندە جازىلعان جازبالارىن تۇسىنە الماي، اۋدارىپ بەرۋدى ءوتىنىپ سۇراۋدا.
اۆتور: ايجان سەرىكجان قىزى