ورالدا ءار ءتورتىنشى ۇرلىق قانداي بۇيىمعا قاتىستى ەكەنى انىقتالدى
ب ق و پروكۋراتۋراسىنىڭ باسپا ءسوز قىزمەتىنەن تۇسكەن مالىمەتكە قاراعاندا، وتكەن جىلى قالا اۋماعىندا 5413 ۇرلىق تىركەلدى، بۇل الدىڭعى جىلعىدان (4839) 11,9 پايىزعا كوپ. جالپى قىلمىستىڭ 60 پايىزىن وسى ۇرلىق قۇرايدى. تالداۋ كورسەتكەنىندەي، قالادا جاسالعان ءار ءتورتىنشى ۇرلىق ۇيالى تەلەفوندارعا قاتىستى - 1412، بۇل 2015 -جىلعىدان (1399) 0,09 پايىزعا وسكەن. مۇنىڭ ءبىر ۇشى ۇيالى تەلەفونداردى وتكىزۋ ورىندارىندا سۇرانىستىڭ بولۋىمەن بايلانىستى.
ياعني قالادا ۇستالعان تەلەفونداردى وتكىزەتىن 70 ورىن بولسا، سونىڭ ىشىندە ساۋدا ۇيلەرىندە 37 ساتۋ نۇكتەسى، سونداي-اق 14 جوندەۋ شەبەرحاناسى، بازارلاردا 19 نۇكتە تاعى بار. سونىمەن قاتار اككۋمۋلياتورلاردى ۇرلاۋدىڭ جيىلەۋى الاڭداتادى. مىسالى، 2016 -جىلى وسىنداي 307 دەرەك تىركەلگەن، بۇل 2015 -جىلعىدان (78) 3,9 ەسەگە ارتىق. مۇنىڭ الدىن الۋدىڭ ءبىر جولى اككۋمۋلياتورلاردى، سونداي-اق مەتالداردى قابىلدايتىن ورىنداردىڭ جۇمىسىن باقىلاپ، بىرلەسە ارەكەت ەتۋ بولىپ تابىلادى.
كۇنى بۇگىن ورالدا مەتالل قابىلدايتىن 13، اككۋمۋلياتورلارمەن اينالىساتىن 36 پۋنكت جۇمىس جاسايدى. قازىرگى تاڭدا وسىنداي ورىنداردىڭ، لومباردتاردىڭ، ساۋدا نۇكتەلەرىنىڭ ۇرلانعان بۇيىمدى قابىلداۋىنا جول بەرمەۋ ماقساتىندا ولاردىڭ يەلەرىنە قىلمىستىق جولمەن كەلگەن مۇلىكتى يەمدەنگەنى نەمەسە وتكىزگەنى ءۇشىن ق ر ق ك 196-بابىنا سايكەس قىلمىستىق جاۋاپكەرشىلىككە تارتىلاتىنى جونىندە ەسكەرتۋ جۇمىستارى جۇرگىزىلۋدە.
اۆتور: ەلجان ەرالى
