يمام ترامپقا قانداي اياتتار وقىپ بەردى

استانا. قازاقپارات - وتكەن سەنبىدە ۆاشينگتون قالاسىنداعى ۇلتتىق كافەدرالدى شىركەۋدە ا ق ش- نىڭ جاڭا پرەزيدەنتى دونالد ترامپتىڭ قىزمەتىنە كىرىسۋ ءراسىمى بولىپ ءوتتى. اتالمىش راسىمگە ءتۇرلى ءدىن وكىلدەرى قاتىسىپ، ءوز ءدىني جورالعىلارىن جاساعان ەدى.
None
None

اتالمىش راسىمگە ا ق ش مۇسىلماندارى اتىنان مۋحامەد مادجيد شاقىرىلىپ، القالى جيىندا ازان ايتۋى ءتيىس بولاتىن. ا ق ش مۇسىلماندارى اراسىندا بەدەلى وتە جوعارى ونىڭ يسلاموفوب پرەزيدەنتتىڭ تاققا وتىرۋ راسىمىنە قاتىسۋى دىندەس باۋىرلارى تاراپىنان قاتتى سىنعا ۇشىراپ، نارازىلىعىن تۋدىرعان ەدى.

الايدا، مۋحامەد مادجيد بەكىتىلگەن باعدارلامانى بۇزىپ، جۇرتشىلىق مۇلدەم كۇتپەگەن قادام جاسادى. مىنبەرگە كوتەرىلگەن ول ازان شاقىرۋدىڭ ورنىنا قاسيەتتى قۇران اياتتارىن وقي باستايدى. «حۋجۋرات» سۇرەسىنىڭ 13-اياتى مەن «رۋم» سۇرەسىنىڭ 22-اياتىن وقىپ بولعان ول وتىرعان جۇرتشىلىققا اۋدارماسىن ايتىپ بەرەدى:

«ءاي، ادام بالاسى! ءشۇباسىز سەندەردى ءبىر ەر، ءبىر ايەلدەن (ادام، حاۋادان) جاراتتىق. سونداي- اق، ءبىر- ءبىرىڭدى تانۋلارىڭ ءۇشىن سەندەردى ۇلتتار، رۋلار قىلدىق. شىنىندا، اللانىڭ قاسىندا ەڭ ارداقتىلارىڭ - تاقۋالارىڭ. شاكسىز اللا - تولىق ءبىلۋشى، ءار نارسەدەن حابار الۋشى».

«كوكتەر مەن جەردى جاراتۋى، تىلدەرىڭنىڭ تۇستەرىڭنىڭ، قاراما- قارسىلىعى دا ونىڭ بەلگىلەرىنەن. شاكسىز بۇلاردا بىلگەندەر ءۇشىن بەلگىلەر بار».

Muslim.kz

سوڭعى جاڭالىقتار