ەلىمىزدەگى قانتتىڭ بالاما ونىمدەرىن شىعاراتىن زاۋىت قايتا جاڭعىرتۋدان وتەدى

تالدىقورعان. قازاقپارات - الماتى وبلىسىنداعى جاركەنت كراحمال- سىرنە شىعاراتىن زاۋىت تولىعىمەن قايتا جاڭعىرتۋدان وتەدى. وسى ارقىلى كاسىپورىننىڭ وندىرىستىك مۇمكىندىگىن ارتتىرۋ جوسپارلانعان.
None
None

 قازىر تاۋلىگىنە 190 توننا جۇگەرى وڭدەسە، الداعى ۋاقىتتا ونىڭ كولەمى ەكى ەسەگە دەيىن كوبەيمەك، دەپ حابارلايدى قازاقپارات ءتىلشىسى.

زاۋىت ۇدەمەلى يندۋستريالى- يننوۆاتسيالىق باعدارلاماسىنىڭ العاشقى قارلىعاشى. 2013 -جىلى ىسكە قوسىلدى. بۇل جەردە جۇگەرى تەرەڭ وڭدەلىپ، قانتقا بالاما ونىمدەر شىعارىلادى. ءونىمنىڭ 65 پايىزى شەتەلگە ەكسپورتتالۋدا. اسىرەسە كورشىلەس مەملەكەتتەرگە كوپ ساتىلادى. قىتايدان دا سۇرانىس بار. وسىنى ەسكەرگەن زاۋىت باسشىلىعى قايتا جاڭعىرتۋ جۇمىستارىن جۇرگىزبەك.

«باستى جوسپارىمىز وسى جىلى كۇزدە 340 مىڭ توننا جۇگەرى وڭدەۋ. «دامۋ» قورىنان 5 جارىم ميلليون دوللار نەسيە الدىق. الدىمەن جاڭا جەلىنى ىسكە قوسامىز. وندا تاۋلىگىنە 110 توننا فرۋكتوزا وندىرىلەتىن بولادى» دەيدى كاسىپورىننىڭ باس ديرەكتورى زاكىرجان كۋزيەۆ.

 كاسىپورىن باسشىلارىنىڭ ايتۋىنشا مەملەكەت ەندى وندىرىلگەن ونىمگە سۋبسيديا بەرۋدى قاراستىرىپ جاتىر. بۇل وندىرىسكە ۇلكەن كومەك. زاۋىتتا قازىر 380 ادام ەڭبەك ەتسە، كەلەر جىلى تاعى 210 ادامدى جۇمىسقا قابىلداۋ جوسپارلانعان. جالپى جاركەنت وڭىرىندە جۇگەرىمەن اينالىساتىن ون مىڭنان استام شارۋا قوجالىعى بار.

اۆتور: سامال قابىشيەۆا

سوڭعى جاڭالىقتار