تۇركىستان - تۇركى الەمىنىڭ مادەني استاناسى
دەپ حابارلايدى «قازاقپارات» ح ا ا ءتىلشىسى.
ازەربايجاننىڭ شەكي قالاسىندا 2016 -جىلدىڭ 1- جەلتوقسانىندا تۇركسوي تۇراقتى كەڭەسىنىڭ 34- وتىرىسى ءوتىپ، تۇركىستان قالاسىن تۇركى الەمىنىڭ 2017 -جىلعى مادەني استاناسى ەتىپ بەكىتۋ تۋرالى شەشىم قابىلدانعان بولاتىن. وسىعان وراي، بۇگىن وڭتۇستىكتىڭ زيالى قاۋىمى مەن ونەر مايتالماندارى، بيلىك وكىلدەرى جينالىپ دايىندىق جۇمىستارىن پىسىقتاپ، ءىس- شارالار جوسپارىن بەكىتتى.
«تۇركىستان قالاسىن اتىنا زاتى ساي ەتىپ لايىق تۇردە كوتەرۋ، تانىتۋ - بارلىعىمىزدىڭ مىندەتىمىز. سوندىقتان دا حالىقارالىق تۇركسوي ۇيىمىنىڭ، وعان مۇشە ەلدەردىڭ تۇركىستان - تۇركى دۇنيەسىنىڭ رۋحاني استاناسى دەگەن شەشىم شىعارۋى ءبىزدىڭ تەك تۇركىستان قالاسى ەمەس بۇكىل سايرام، وتىرار، ارىستانباب جالپى بىزگە، وڭتۇستىك قازاقستان وبلىسى ءۇشىن ساياسي بەدەلى بار»، - ج. تۇيمەبايەۆ.
ايتا كەتەيىك، ناۋرىز ايىنان باستاپ تۇركىستان قالاسىندا اتالعان شارانىڭ سالتاناتتى اشىلۋى مەن تۇركسوي باسپاءسوز سىيلىعىن تاپسىرۋ ءراسىمى وتەدى. ۇلىستىڭ ۇلى كۇنى - ناۋرىز تويى مەرەكەلەنىپ، تۇركىتىلدەس ۇلتتار اراسىنداعى باۋىرلاستىق بايلانىستار مەن دوستىقتى، تۇركىلىك مادەنيەت پەن ونەردى ۇرپاقتان ۇرپاققا جەتكىزىپ، ونى الەمگە تانىتۋ ماقساتىندا ءتۇرلى ءىس- شارالار ۇيىمداستىرىلادى. ءتۇبى تۇركى تىلدەس حالىقتار تەاتر، وپەرا، تسيرك، بي، ساتيرا، ءداستۇرلى ونەر جانە انيماتسيالىق فيلمدەردىڭ فەستيۆالى وتكىزىلەدى. اقىندار ايتىسى، تۇركى مەملەكەتتەرى ايەلدەرىنىڭ فورۋمى، سۋرەتشىلەردىڭ كەزدەسۋى، قولونەر شەبەرلەرىنىڭ فەستيۆالى، ادەبي جۋرنالدار رەداكتورلارىنىڭ كونگرەسى، اقىن، جازۋشىلارمەن كەزدەسۋلەر وتكىزىلىپ، كىتاپ كورمەلەرىن ۇيىمداستىرۋ جوسپارلانىپ وتىر.
اينۇر اقبايەۆا 
