ابايەۆ قىتايلارعا تۇرمىسقا شىققان قىزدارعا قاتىستى ستاتيستيكالىق مالىمەتتى جاريا ەتتى

استانا. قازاقپارات - ق ر اقپارات جانە كوممۋنيكاتسيالار ءمينيسترى داۋرەن ابايەۆ فەيسبۋكتاعى پاراقشاسىندا قىتايلارعا تۇرمىسقا شىققان قازاقستاندىق قىزدارعا قاتىستى ستاتيستيكالىق مالىمەتتى جاريا ەتتى.
None
None

«جۇمىس بارىسىندا ستاتيستيكا كوميتەتىنىڭ مىناداي ءبىر دەرەكتەرىن كەزدەستىردىم. جالپى، بۇل سيفرلار وسىعان دەيىن فەيسبۋكتە قىزۋ تالقىلانعان ماسەلەگە قاتىستى بولعاندىقتان، وقىرماندارىما ماڭىزدى بولار دەپ ويلايمىن» ، دەلىنگەن جازبادا.

ابايەۆتىڭ ءمالىم ەتۋىنشە، سوڭعى التى جىلدا 36 قىز عانا قىتاي جىگىتتەرىنىڭ جارى بولعان.

 «قاراپ وتىرساق، 2010 -جىلدان باستاپ 2016 -جىلعى ءساۋىر ايىنا دەيىن ق ح ر ازاماتتارىنا 253 قازاقستاندىق تۇرمىسقا شىققان كورىنەدى. سونىڭ ىشىندە، 190 قازاق قىزىن قىتايدا تۇراتىن ءوز قانداستارىمىز، ياعني قازاق جىگىتتەرى جار ەتكەن. وسى ۋاقىت ىشىندە، ياعني التى جىلدا ەتنيكالىق قىتايلارمەن نەكەگە تۇرعان قىزدار سانى نەبارى 34» ، - دەپ جازدى داۋرەن ابايەۆ.

ال، وسى كەزەڭ ىشىندە قازاقستاننىڭ 277 ازاماتى ق ح ر قىزدارىنا ۇيلەنگەن. سونىڭ ىشىندە 244- ءى- قىتايدا تۇراتىن قازاق قىزدارىمەن باس قۇراعان قازاق جىگىتتەرى.

سوڭعى جاڭالىقتار