سيريا ۇكىمەتى مەن وپپوزيتسيا وكىلدەرىنىڭ تىكەلەي كەلىسسوزدەرى ازىرشە كۇتىلىپ وتىرعان جوق - دەرەككوز

استانا. قازاقپارات - سيريا ۇكىمەتى مەن وپپوزيتسيا وكىلدەرىنىڭ تىكەلەي كەلىسسوزدەرى ازىرشە كۇتىلىپ وتىرعان جوق.

 بۇل جايىندا قازاقپارات تىلشىسىنە كەلىسسوزدەردى ۇيىمداستىرۋ شارالارىنا قاتىسى بار دەرەككوز ءمالىم ەتتى.

ونىڭ ايتۋىنشا، قازاقستاندىق تاراپ جالپى سەسسيانىڭ بارلىق قاتىسۋشىلارىنا العىس ايتىپ، ونىڭ اياقتالعاندىعىن جاريا ەتكەن. ەندىگى ۋاقىتتا كەلىسسوزدەردىڭ (استانا پروتسەسى) بارىنشا شاعىن فورماتتا جالعاساتىندىعى بولجانۋدا.

 «ازىرشە ۇكىمەت پەن وپپوزيتسيا وكىلدەرىنىڭ تىكەلەي كەلىسسوزدەرى كۇتىلىپ وتىرعان جوق، تەك دانەكەرلەر ارقىلى بايلانىسۋدا. دەگەنمەن، ەكى دەلەگاتسيا ءبىر- ءبىرىنىڭ ءسوز سويلەۋلەرىن تىڭداپ، جاۋاپ مالىمدەمەلەرىمەن الماستى. دەگەنمەن، كەلىسسوزدەر پروتسەسى ب ۇ ۇ جانە كەپىلگەر ەلدەردىڭ دەلدالدىعىمەن وتەتىن سياقتى»، - دەدى دەرەككوز قازاقپارات تىلشىسىنە.

اۆتور: مارلان جيەمباي