بريتان باسپا ءسوزى قازاقستاندىق سپورتشىعا قايران قالدى - فوتو

ءشارىپوۆا قازاقستاننىڭ ەڭ تارتىمدى سپورتشىسى اتاندى. سپورتشى ءوزىنىڭ الەۋمەتتىك پاراقشاسىنا مۇنداي ەرەكشە كوڭىلدىڭ سپورتتىق مانساپقا كەدەرگى كەلتىرمەيتىنىن ايتتى، دەپ جازدى بريتاندىق «Sun» گازەتى.
«بارىنە راقمەت. ءوز كەلبەتىممەن عانا ەمەس، جەتىستىكتەرىممەن دە سىزدەردى قۋانتۋعا تىرىسامىن»، - دەپ جازدى سپورتشى قىز.
فيرۋزا ءشارىپوۆا قازاقستاندىق بوكسشى، دەنيس رىباكوۆتىڭ ايەلى. ول ۆەلوسپورتپەن جانە سۋ پولوسىمەن دە اينالىسادى. كوپشىلىك وقىرمان فيرۋزانىڭ كاسىبي مودەل بولا الاتىنىن جازۋدا.
ءشارىپوۆانىڭ تاراز تۋماسى ەكەنى بەلگىلى. ونىڭ قورجىنىندا ءۇش كاسىبي رينگ كەزدەسۋى بار. ماسكەۋدەگى ءبىرىنشى ايقاستا وليمپيادا-2012 ۆيتسە- چەمپيونى، رەسەيلىك سوفيا وچيگاۆادان جەڭىلدى، كەيىنىرەك يسپانيادا يتاليالىق انجەلو كانەتسارونى ايقىن باسىمدىقپەن جەڭدى، ودان كەيىن الماتىدا سەرب قىزى ميلەنا ءماتوۆيچتى جەڭدى.
بيىل كوكتەمدە فيرۋزا ءشارىپوۆا اتاق ءۇشىن تالاسقا تۇسەدى. سپورتشى قازىر ماسكەۋدە دايىندىقتى باستاپ كەتتى.