قازاقستان جاھاندىق بىتىمگەر ءرولىن وزىنە بەكىتە الادى - ساراپشى
بۇل جايىندا حالىقارالىق ىستەر بويىنشا رەسەيلىك كەڭەستىڭ باعدارلامالىق ديرەكتورى يۆان تيموفەيەۆ ءمالىم ەتتى، دەپ حابارلايدى قازاقپارات.
«سيريا ماسەلەسى بويىنشا كەلىسسوزدەردى جۇرگىزۋدەگى قازاقستاننىڭ ءرولى ءبىرىنشى كەزەكتە تاراپتاردى بىتىمگە كەلتىرۋگە نەگىزدەلگەن دەپ ويلايمىن. وسى رەتتە كۇشتەردىڭ بارلىق ورتالىقتارىمەن دوستىق قاتىناستاردى قولداي وتىرىپ، قازاقستان «ادال بروكەر» ۇستانىمىندا بولا الادى. قازاقستان كەزىندە فينلياندياعا تيەسىلى بولعان ديپلوماتيالىق ءبىتىستىرۋشىنىڭ جاھاندىق ءرولىن وزىنە بەكىتە الادى»، - دەدى ساراپشى.
ونىڭ پايىمىنشا، سيرياارالىق كەلىسسوزدەردىڭ ۇدەرىسى وڭاي بولمايدى.
«وسىندا ماسكەۋ، انكارا جانە تەھران جوسپارلارىنىڭ ۇيلەستىرۋ پروبلەمالارى دا بار. سونىمەن قاتار سيريانىڭ ىشىندەگى كەلىسپەۋشىلىك تە كەدەرگى. بۇدان بولەك، ا ق ش ءرولىنىڭ بەلگىسىزدىگى بايقالۋدا. الايدا، وسىنداي كەلىسسوزدەردى وتكىزۋ فاكتىسىنىڭ ءوزى جاڭا ساياسي شىنايىلىق. ياعني، ءبىر جىل بۇرىن بۇنداي كەلىسسوزدەردى وتكىزۋدى ەلەستەتۋدىڭ ءوزى قيىنعا تۇسكەن ەدى. بۇل سيرەك كەزدەسەتىن جاعداي، سەبەبى وسىنشا ماڭىزدى ماسەلەلەر تىكەلەي باتىس ەلدەرىنىڭ قاتىسۋىنسىز شەشىلۋدە»، - دەدى ي. تيموفەيەۆ.
اۆتور: رۋسلان عابباسوۆ
