ەكىباستۇزدىق عالىمدار جاس وتباسىلارعا ارناپ ارزانداتىلعان ۇيلەردىڭ جوباسىن ۇسىندى

استانا. قازاقپارات - ەكىباستۇز ءوڭىرىنىڭ عالىمدارى جاس وتباسىلارعا ارناپ ءتورت پاتەرلى جەكە مەنشىك ءۇيدىڭ جوباسىن ۇسىندى.
None
None

مۇنداي ۇيلەر نارىقتاعى جىلجىمايتىن مۇلىك باعاسىنان 2-2,5 ەسە ارزان، دەپ حابارلايدى pavlodarnews.kz.

بۇل تۋرالى «پاۆلودار ايماقتىق عىلىمي- تەحنولوگيالىق ورتالىق» ج ش س- نىڭ قىزمەت كورسەتۋ تۋرالى ەسەبى كەزىندە بەلگىلى بولدى.

ق. ساتپايەۆ اتىنداعى ەكىباستۇز ينجەنەر-تەحنيكالىق ينستيتۋتىنىڭ حالىقارالىق بايلانىس پەن عىلىمي جۇمىس پرورەكتورى جارىلقاسىن قامباروۆتىڭ ايتۋىنشا، ءتورت پاتەرلى ۇيلەردىڭ ساپاسى ەۋروپالىقتاردىڭ تاۋن-حاۋستارىنان كەم بولمايدى.

- ءار پاتەردىڭ اۋماعى 82 شارشى مەتردى قۇرايدى. قۇرىلىس كەزىندە ءۇي اۆتونومدى تۇردە قامتاماسىز ەتىلەدى: ساڭىلاۋ، كۇن باتارەيلەرى، جەل ديىرمەنى مەن جىلۋ تارتاتىن سورعىنىڭ ورناتىلۋ. مۇنداي ءۇدىڭ باعاسىن 40 ميلليونعا باعالاپ وتىرمىز. ءبىز ءبىراق قاراجات سۇرامايمىز، اتالمىش ۇيلەردى حالىققا ءتيىمدى ەكەنىن كورسەتۋ ءۇشىن ءوزىمىز سالۋعا دايىنبىز، - دەدى جارىلقاسىن قامباروۆ.

بەلگىلى بولعانداي، ازىرلەۋشىلەر ەكىباستۇزدا ءۇي سالۋ ءۇشىن جەر سۇراعان، الايدا بۇل سۇراق ءالى ءوز شەشىمىن تاپپاعان.

- وتە قىزىقتى جوبا ەكەن. بۇل ۇيلەردى باياناۋىلعا دا سالۋعا بولادى. تۇرعىندار مەن تۋريستەر ونى جوعارى باعالايتىنىنا سەنىمدىمىن. ول جاقتا جەر ماسەلەسىن جۋىق ارادا شەشىپ بەرەمىن، - دەدى وبلىس اكىمى بولات باقاۋوۆ.

 

سوڭعى جاڭالىقتار