جاپونيادا مۇناي وڭدەۋ زاۋىتى ورتەنىپ جاتىر

استانا. قازاقپارات - جاپونيانىڭ ۆاكاياما پرەفەكتۋراسىنا قاراستى ويتا قالاسىنداعى مۇناي وڭدەۋ زاۋىتىندا ۇلكەن ءورت بولىپ جاتىر.

ازىرگە ءورتتىڭ سالدارىنان زارداپ شەككەن نەمەسە قايتىس بولعاندار تۋرالى مالىمەت جوق، دەپ حابارلايدى ريا نوۆوستي.

NHK تەلەارناسىنىڭ مالىمەتتەرىنشە، ءورت جەرگىلىكتى ۋاقىت بويىنشا ساعات 16-00 دەر شاماسىندا تۇتانعان.

الدىن الا مالىمەتتەر بويىنشا، ءورت مۇناي قۇرىلعىلارىنا جاعىلاتىن ارنايى ماتەريالداردىڭ جانۋىنان باستالعان. الايدا، ول ءالى رەسمي راستالعان جوق. جارىلىس بولعانى تۋرالى نەمەسە ونىڭ داۋسىن ەستىگەندەر تۋرالى حابار تۇسكەن جوق.

قالا بيلىگى زاۋىتتىڭ اينالاسىندا تۇرىپ جاتقان 2,9 مىڭ ادامدى قاۋىپسىز ايماققا كوشىرۋدى ءجون ساناپ وتىر.