قىتاي سىنشىلارى: ديماشتىڭ داۋىسى مەندە دە بولسا دەپ ارمانداۋدىڭ قاجەتى جوق، ول وعان قۇدايدىڭ بەرگەن سىيى
قازاقستاندىق ءانشى قىسقا ۋاقىتتىڭ ىشىندە قىتايلىق تىڭدارمانداردى تالانتىمەن ءتانتى ەتتى. ديماش قىتايدىڭ تەلەارنالارىنا قوناق رەتىندە بارىپ، بيبىگۇل تولەگەنوۆانىڭ ءانىن اۋەلەتە شىرقاپ تا ۇلگەردى. ءانشىنىڭ داۋسىنا تامسانعان قىتاي باسىلىمدارى ول تۋرالى جارىسا جازۋدا. بۇل تۋرالى ديماشتىڭ اناسى سۆەتا ايتبايەۆا ءوزىنىڭ ينستاگرام پاراقشاسىندا جاريالادى. قىتاي سىنشىلارىنىڭ قازاقستاندىق ءانشى تۋرالى جازعانى مىناداي: «ديماش بۇل رەتكى ءاندى ورىنداۋ بارىسىندا كولوراتۋرالىق، ەركىن ۆوكالدى، كەڭ تىنىستى ءوز اۋەندەرىمەن قاتار dolphins دىبىستارىن جاقسى مەڭگەرگەندىگىن انىق بايقاتقان. ءتىپتى، جوبا ماماندارى مەن قاتىسۋشىلارىنان «ءتاڭىر ءوزى نازارىنا العان جاس ءانشى، ونداي داۋىس مەندە دە بولسا دەپ ارمانداۋدىڭ قاجەتى جوق، ول وعان قۇدايدىڭ بەرگەن سىيى» دەگەن ماراپاتتاۋ سوزدەرىنە يە بولىپ ۇلگەرىپتى». وتانداسىمىزعا ساتتىلىك تىلەپ، ەلگە جەڭىسپەن ورالۋىنا تىلەكتەسپىز.
qamshy.kz
