استانا پروتسەسىىندە كەلىسسوزدەرگە قاتىساتىنداردىڭ ءتىزىمىن جاريا ەتتى

استانا. قازاقپارات - ق ر سىرتقى ىستەر مينيسترلىگى استانادا سيريا كەلىسسوزدەرىنە قاتىساتىن تاراپتاردىڭ ءتىزىمىن جاريالادى، دەپ حابارلايدى قازاقپارات ءتىلشىسى.

«سونىمەن، قاتىساتىندىعىن ناقتىلاعان تاراپتاردىڭ تىزىمىندە:

 1. سيريا اراب رەسپۋبليكاسى ۇكىمەتىنىڭ وكىلدەرى؛

 2. سيريا وپپوزيتسياسى وكىلدەرى؛

 3. رەسەي فەدەراتسياسى وكىلدەرى؛

 4. تۇركيا رەسپۋبليكاسىنىڭ وكىلدەرى؛

5. يران يسلام رەسپۋبليكاسىنىڭ وكىلدەرى؛

 6. ا ق ش- نىڭ وكىلدەرى؛

 7. ب ۇ ۇ باس حاتشىسىنىڭ سيريا جونىندەگى ارنايى ەلشىسى بار»، - دەپ حابارلانعان ۆەدومستۆونىڭ سايتىنداعى ب ا ق- قا ارنالعان مالىمەتتە.

بۇدان بۇرىن حابارلانعانداي، سيريا بويىنشا كەلىسسوزدەر جابىق رەجىمدە وتەدى.

«قازاقستان ەلورداسى بارلىق اۋماقتار ءۇشىن بەيتاراپ جەر رەتىندە كەلىسسوزدەر الاڭى بولىپ تاڭدالدى. كەلىسسوزدەر «جابىق ەسىك» تارتىبىندە وتەتىنىن ەسكەرە كەتكەن ءجون»، - دەلىنگەن حابارلامادا.

باسپا ءسوز قىزمەتى كەلىسسوزدەر قالانىڭ جاڭا اكىمشىلىك ورتالىعىنداعى «Rixos President Astana»  قوناق ۇيىندە وتەتىنىن ناقتىلاپ وتىر.

حالىقارالىق كەلىسسوزدەر 23 -قاڭتاردا استانا ۋاقىت بويىنشا ساعات 13:00 دە باستالادى.