استانادا سيريا كەلىسسوزدەرى «جابىق ەسىك» جاعدايىندا وتەدى

استانا. قازاقپارات - سيريا بويىنشا كەلىسسوزدەر استانادا جابىق تارتىپتە وتەدى.

بۇل تۋرالى ق ر سىرتقى ىستەر مينيسترلىگىنىڭ باسپا ءسوز قىزمەتىنەن ءمالىم بولدى، دەپ حابارلايدى قازاقپارات.

«قازاقستان ەلورداسى بارلىق اۋماقتار ءۇشىن بەيتاراپ جەر رەتىندە كەلىسسوزدەر الاڭى بولىپ تاڭدالدى. كەلىسسوزدەر «جابىق ەسىك» تارتىبىندە وتەتىنىن ەسكەرە كەتكەن ءجون»، - دەلىنگەن ۆەدومستۆو سايتىنداعى باق- قا ارنالعان حابارلامادا.

باسپا ءسوز قىزمەتى كەلىسسوزدەر قالانىڭ جاڭا اكىمشىلىك ورتالىعىنداعى «Rixos President Astana»  قوناق ۇيىندە وتەتىنىن ناقتىلاپ وتىر.

«استاناداعى قونايەۆ كوشەسى، 7 -مەكەنجايىندا «قازمەديا ورتالىعى» عيماراتىنىڭ 1-قاباتىندا ورنالاسقان باسپا ءسوز ورتالىعى (باتىس جاعىنان كىرەبەرىس، نۇرلى جول كوشەسىنەن) 23 -قاڭتارداعى تاڭعى 9.00-دەن باستاپ تاۋلىك بويى جۇمىس ىستەيدى»، - دەلىنگەن حابارلامادا.

كەزدەسۋ كەزەڭىندە باسقا قالادان كەلگەن، سونداي- اق شەتەلدىك جۋرناليستەر ءۇشىن تۇراقتى كولىك قاتىناسى ۇيىمداستىرىلاتىن بولادى.