وتستاۆكاعا كەتكەن پرەزيدەنت ەلدەن قۋىلدى
وسىلايشا، افريكالىق ەلدەگى داعدارىس ماسەلەسى شەشىلدى.
دجاممە الەمدىك قاۋىمداستىقتار مەن كورشىلەس ەلدەردىڭ قىسىمىمەن وتستاۆكاعا كەتتى جانە بيلىك تىزگىنىن پرەزيدەنتتىك سايلاۋدا جەڭىسكە جەتكەن ادام بارروۋعا بەردى. دجاممەنىڭ بيلىكتەن كەتكەنىن ەستىگەن كوپتەگەن حالىق كوپجىلدىق قورقىنىشتان سەيىلە ءتۇستى.
«قورقىنىش سەزىمى گامبيادان ماڭگىلىككە كەتتى»، - دەدى بارروۋ سەنەگال استاناسى داكارداعى قوناق ۇيگە جينالعان قاۋىمعا.
گامبيادا پرەزيدەنتتىك سايلاۋ 2016 -جىلى 1 -جەلتوقساندا ءوتتى. بارروۋ 45,5 پايىز، دجاممە - 36,7 پايىز داۋىس جينادى. 18 -قاڭتار كۇنى ۇلتتىق اسسامبلەيا سايلاۋدا جەڭىلگەن دجاممەنىڭ پرەزيدەنتتىك وكىلەتتىلىگىن ۇزارتتى. ول 19 -قاڭتار كۇنى بيلىكتى بارروۋعا بەرۋى ءتيىس ەدى، الايدا ول ءوز جەڭىلىسىن مويىنداماي، ەلدە توتەنشە جاعداي جاريالادى.
ب ۇ ۇ- نىڭ قاۋىپسىزدىك كەڭەسى ءبىراۋىزدان بارروۋدى قولداپ، رەزوليۋتسيا قابىلدادى.
