12:17, 22 - قاڭتار 2017 | GMT +5
ا ق ش- تا ەكى ميلليونعا جۋىق ادام ايەلدەر مارشىنا قاتىستى
استانا. قازاقپارات - دونالد ترامپتى ۇلىقتاۋ راسىمىنەن كەيىن ەلدىڭ ءتۇرلى قالالارىندا ەكى ميلليونعا جۋىق ادام ايەلدەر قۇقىعىن قورعاۋ مارشىنا قاتىستى، دەپ حابارلايدى ر ي ا نوۆوستي فرانس پرەسس اگەنتتىگىنە سىلتەمە جاساپ.

ۇيىمداستىرۋشىلاردىڭ بولجامىنشا، ءبىر عانا ۆاشينگتوندا نارازىلىق شارالارىنىڭ وشاعىندا جارتى ميلليون ادام ەرەۋىلگە شىعۋى مۇمكىن. بۇل ەرتەرەكتە بولجانعاننان ەكى ەسەگە كوپ. لوس- اندجەلەس كوشەلەرىندە دە جەرگىلىكتى پوليتسيا 750 مىڭ ادامنىڭ شەرۋگە شىققانىن حابارلادى. تاعى 500 مىڭ ادام نيۋ-يوركتا قارسىلىق تانىتتى.
پوليتسيا تاراپىنان راستالماعان دەرەك بويىنشا، چيكاگودا 150 مىڭعا جۋىق ادام نارازىلىق شەرۋىنە شىققان. بوستونداعى نارازى حالىق سانى دا سول شامالاس. سونىمەن بىرگە مايامي، دەنۆەر، سيەتل، فيلادەلفيادا جاپپاي كوتەرىلىستەر بولعان.
مارشقا قاتىسقان امەريكالىقتارعا بەرلين، پاريج، ريم، ۆەنا، جەنيەۆا، امستەردام، نايروبي، سيدنەي، مەلبۋرن، توكيو، حەلسينكي قالالارى قولداۋ ءبىلدىردى. «ايەلدەر مارشى» ءتىپتى انتاركتيدادا بولعان.