10:25, 22 - قاڭتار 2017 | GMT +6
استانا پروتسەسى: ب ۇ ۇ- نىڭ ارنايى ەلشىسى ستاففان دە ميستۋرا قازاقستانعا كەلدى
استانا. قازاقپارات - ب ۇ ۇ- نىڭ ارنايى ەلشىسى ستاففان دە ميستۋرا سەنبىدەن جەكسەنبىگە قاراعان ءتۇنى سيرياداعى جاعدايعا بايلانىستى حالىقارالىق كەلىسسوزدەرگە قاتىسۋ ءۇشىن قازاقستانعا كەلدى، دەپ حابارلايدى «قازاقپارات» ح ا ا ءتىلشىسى.
«ستاففان دە ميستۋرا، استانادا سيريا ماسەلەسى بويىنشا وتەتىن كەلىسسوزدەرگە قاتىسۋ ءۇشىن قازاقستانعا قوش كەلدىڭىز!» دەلىنگەن ق ر سىرتقى ىستەر مينيسترلىگىنىڭ تۆيتتەردەگى حابارلاماسىندا.
ق ر سىرتقى ىستەر مينيسترلىگىنىڭ باسپا ءسوز قىزمەتىنىڭ جەتەكشىسى ءانۋار جايناقوۆ وسىعان دەيىن تۇندە ب ۇ ۇ- نىڭ ارنايى ەلشىسى ستاففان دە ميستۋرا مەن سيريا وپپوزيتسياسى وكىلەرىنىڭ قازاقستانعا كەلەتىندىگىن حابارلاعان بولاتىن.
ايتا كەتەيىك، استانادا سيريا ماسەلەسى بويىنشا وتەتىن حالىقارالىق كەلىسسوزدەر 23 -قاڭتار كۇنى باستالادى.
