09:37, 22 - قاڭتار 2017 | GMT +5
قىتايلىقتار ديماشتىڭ ءسوزىن ءتۇسىنۋ ءۇشىن قازاق ءتىلى كۋرستارىنا جازىلىپ جاتىر
استانا. قازاقپارات - ديماش قۇدايبەرگەنوۆ قىتايدىڭ I am a singer (مەن ءانشىمىن) تەلەبايقاۋىنا قاتىسىپ، سايىستىڭ ءبىرىنشى كۇنىندە قازىلار القاسى تاراپىنان ەڭ جوعارعى ۇپاي جيناپ، جەڭىمپاز اتاندى.

ماسساگەت سايتىنىڭ مالىمەتى بويىنشا، 2 ميلليارد حالقى بار قىتايدىڭ Hunan TV ارناسىنا شىعىپ، قىتايلىق كاسىبي انشىلەرمەن سايىسقا ءتۇسىپ جاتقان ديماش قۇدايبەرگەنوۆ ۇيىمداستىرۋشىلار تاراپى ۇسىنعان «SOS d'un terrien en détressە» فرانسۋز ءانىن شىرقادى.
سايىس ەرەجەسى بويىنشا ءبىرىنشى كۇنى 8 ءانشىنىڭ بىرەۋى كەتىپ، 7 ەۋى قالادى. ءبىر ءانشى جەڭىس كۋبوگىن جەڭىپ الادى. جەڭىس كۋبوگىنا ديماش قۇدايبەرگەنوۆ لايىق دەپ تانىلدى.
ديماش قۇدايبەرگەنوۆتىڭ دوسى الپامىس ءشارىموۆتىڭ مالىمدەۋىنشە، بۇگىننەن باستاپ ءبىر توپ قىتايلىق فانات ءانشىنىڭ انا ءتىلىن ءتۇسىنۋ ءۇشىن قازاق ءتىلى كۋرسىنا جازىلعان.