09:11, 22 - قاڭتار 2017 | GMT +5
قۇرىلىس ماشيناسىنىڭ جاس جۇرگىزۋشىسى «قازاقستان داۋىسى» شوۋىنىڭ جەڭىمپازى اتاندى - فوتو، كەسكىن
استانا. قازاقپارات - رۋدنىيلىق (قوستاناي وبلىسى) دىنمۇحاممەد داۋلەتوۆ كورەرمەندەردىڭ داۋىس بەرۋى ارقىلى «قازاقستان داۋىسى» شوۋىنىڭ جەڭىمپازى اتاندى، دەپ حابارلايدى Qostanay.TV.
21 جاستاعى داۋلەتوۆ استانادا تۇرعانىمەن، رۋدنىي قالاسىنىڭ تۋماسى. تورەشىلەردىڭ ايتۋىنشا ونىڭ داۋىسى - ەرەكشە. باسىلىمنىڭ مالىمەتىنشە، دىنمۇحاممەدتىڭ ماماندىعى - ماشينيست. تاۋ- كەن بايىتۋ كومبيناتىندا ۇلكەن-ۇلكەن تەحنيكالاردى جوندەۋمەن اينالىسقان.
«قازاقستان داۋىسى» جانە "ح- فاكتور" شوۋلارىنا قاتىسقاننان كەيىن دىنمۇحاممەد داۋلەتوۆتىڭ ءومىرى تۇبەگەيلى وزگەرىپ سالا بەرگەن. ول قازىر رەستورانداردا ءان شىرقاپ ءجۇر.
ەسكە سالا كەتەيىك، جوبا بويىنشا جەڭىمپازعا 7 ميلليون تەڭگە سىياقى بەرىلەدى.
