ءۇندىستاندىقتار توڭعان پىلدەرگە جىلى كيىم توقىپ بەرىپ جاتىر-فوتو

استانا. قازاقپارات- ءۇندىستاننىڭ ماتحۋري قالاسىنىڭ تۇرعىندارى تۇنگى سۋىقتا پىلدەر توڭىپ قالماسى ءۇشىن توقىما كيىمدەر دايىنداپ جاتىر، - دەپ حابارلايدى Life.ru.

 تۇندە تەمپەراتۋرا نولتەن تومەن تۇسەتىندىكتەن، ءىرى جانۋارلار سۋىققا شىداماي جاتىر ەكەن.

 ەرىكتىلەر ءبىر عانا جانۋارعا كيىم تىگۋ ءۇشىن بىرنەشە اي جۇمىس ىستەيدى.

 بەيىمدەۋ ورتالىعىنىڭ قىزمەتكەرلەرى بەرگەن اقپارات بويىنشا، بۇل جانۋارلار قاتىگەز قوجايىنداردان قۇتقارىلعان. وسى سەبەپتى ەرىكتىلەر مىندەتى جانۋارلارعا جايلى جاعداي جاساۋ بولىپ وتىر.

پىلدەرگە كيىم تىگۋ ويى بىلتىر تۋعان، الايدا، قازىرگى كەزدە ءالى 50 ءپىل جىلى كيىمسىز ءجۇر.

 سوندىقتان ەرىكتىلەر ءاربىر پىلدە اسەم دە جىلى كيىم بولۋى ءۇشىن تىنباي ەڭبەكتەنىپ جاتىر.

https://kaz.tengrinews.kz